独家丨林盛斌善用消费券买金保值著眼财富累积多过即时享乐

2022-02-23 18:15

作为公司老板嘅林盛斌（阿Bob）《财政预算案2022》都系最留意大家热烈讨论嘅10,000蚊消费券，其他未细心去研究。他接受本报访问时有感而发认真说：「我真系好希望有关方面可以有多啲支援同援助俾畀啲小商户，身边有好多朋友做饮食业、美容业、服务业真系好惨。」问到消费券可有惠及他经营的网上商店呢？他却说：「冇！咁我嗰个网店嚟嘅，又暂时未用到消费券。」

林盛斌理财有心得，经常主持成功讲座。

阿Bob系个未雨绸缪嘅人。

至于如何好好运用消费券呢？好有理财心得嘅阿Bob说：「我谂我同上一次一样，我都系会去一间会收消费券嘅金铺，然后用尽嗰啲消费券去买啲最少手工费嘅金器或者银器，个人认为咁样会保值啲，同埋喺投资嘅角度，金同银整体嚟讲都系慢慢咁向上升，同埋呢个时势，今日唔知听日事，日后要应急都可以即刻攞去熔咗佢收返啲钱，可能有啲人会攞啲消费券去吃喝玩乐，买衫裤鞋袜，呢个系个人嘅选择，冇问题嘅，只不过系我唔会咁做，我会着眼喺财富嘅累积多过即时嘅享乐。」至于疫情下学生哥提前放暑假嘅争议，阿Bob淡然回应表示都冇办法㗎啦，只能尽量配合。