独家丨张慧仪追求者行囝囝政策自问拣择唔心急搵另一半

2022-02-24 22:00

张慧仪最近首度做主持，拍摄香港开电视《晒Ya马拉Moi》，介绍家鄕马来西亚美食之馀，更会亲自下厨跟一班圈中好友分享，因疫情两年未回鄕的她，趁机一解思乡情。慧仪又透露养子Hanson（张晃维）已18岁较独立，不过51岁的她仍未急于搵对象，又笑指追求者会行Hanson政策冧她。采访：杜淑霞摄影：沈健程场地：The AIR (The ONE)

51岁的慧仪keep得甚fit，难怪追求者一直都有。

慧仪未做过主持，最初好紧张，好彩访问一班嘉宾都是她识于微时的好友，好似夏韶声和陈彦行等，「我同夏韶声好似大缆都扯唔埋，但佢系我真真正正嚟香港，第一部电视剧《开心华之里》接触嘅艺人，佢做我个Boss。」她又好感恩夏韶声很照顾她，「马拉系冇冬天但香港有，有次我哋外景出海，我冻到喺船舱度偷喊，之后佢送咗件外套畀我，我好感恩，呢件事一直喺我心入面。」

慧仪在节目会大显身手，跟师傅齐齐煮马拉菜。

今次慧仪会拍住同样来自马拉的廖子妤做主持。

算止到思乡瘾

13岁已下厨的慧仪，今次在镜头前大显身手，不过她坦言平日都鲜有煮家乡菜，因在港买食材困难，所以想食只会跟囝囝去餐厅食，而趁今次机会仲可以学识平日不懂的马拉菜，「例如『椰汁辣饭』我系好锺意食，其实我大概知道系点样整，但自己落手落脚去整就未试过。」慧仪坦言拍摄亦可止到思乡瘾，「好过冇啦！我喺镜前同啲嘉宾倾偈，唔系好方便开怀大食，但喺镜头后我系不断食好多。」

慧仪邀请了多位圈中好友做嘉宾，其中有夏韶声。

患有先天性心脏病的Hanson，健康尚算稳定，令慧仪放心不少。

慧仪谓平日食得最多她手势肯定是囝囝，而Hanson亦好乖仔会帮手做家务，虽然囝囝已长大，她身边更有追求者出现，「啲男人好聪明，可能睇咗啲访问，想同我做朋友都会接受Hanson，仲会行Hanson政策，乜都以Hanson行先。」但她未急为自己婚姻打算，囝囝仲会搞笑跟她讲，「最好唔好啦！不过你都好难搵㗎啦！你一把年纪，脾气又唔好，啲男人惊咗你！」慧仪坦言自己好宅，难搵对象，「我虽然话Open，但一有人埋身，又会有好多谂法，或者未遇到一个令我发晒狂嘅人。」