郭可盈重温《心花放》跟足剧情边食菠萝包边煲剧

2022-02-27 02:00

TVB有好多剧集都好经典，当中有啲拍档而家想再睇佢哋合作都难嘞！于2005年播出，由陶大宇、郭可盈、陈豪及廖碧儿主演的《心花放》，近日于深夜时段重播。唔少网民睇完又睇都仲大赞，仲话好怀念以前剧集嘅演员阵容。咁又真呀！陶大宇与郭可盈呢对昔日萤幕情侣，当年拍足三辑《刑侦》默契十足，再拍喜剧性质较重的《心花放》一样好有火花。就连女主角郭可盈近日都重温《心花放》，更于IG与网民分享当年拍该剧的感想。

郭可盈都有重温《心花放》。

《心花放》于2005年播出。

前日（25日）郭可盈于IG上载吃菠萝包的照片，并透露自己正在重温《心花放》，「边吃菠萝包边煲《心花放》😄！感谢当年小青姐赋予我这个「叻、靓、醒」角色，令我一尝演喜剧的滋味！过瘾！❤️🥰」有网民就大赞《心花放》系童年回忆，又有网民睇见郭可盈个菠萝包表示：「教识了很多人食菠萝包原来系咁用叉食😂😂」冇错！当年剧中嘅陈豪同陶大宇都系因为用叉食菠萝包，先知佢哋亲兄弟咋！真系讲吓剧情，都回忆返晒嚟呀！