陈豪同家人玩同屋隔离 戴住口罩匿喺露台囡囡送饼慰劳

陈豪家有老婆又有三个仔女，因为之前要赶拍剧，所以为保护家人佢出外会戴两个口罩，甚至连瞓觉都唔除，当时佢仲话差唔多24小时都会戴住口罩。「我以前返大陆都系咁样，一系唔戴，一戴就长时间，除咗食饭、冲凉。都已经见到我块面成日有个『印』喺度。其实唔系要防护我自己，系要对佢哋有个保护。」为咗屋企人，陈豪仲话工作以外嘅时间，尽量避免出现喺人多嘅地方，而他近日拍摄中嘅新剧《破毒强人》 已经停拍外景，而厂景则继续进行。

陈豪早前出活动也戴上两个口罩。 ​

原来唔只咁样，陈豪为抗疫，只要喺屋企都会匿喺露台，虽然只得一张枱仔嘅小天地，但可以望住无敌极Wide大海景做嘢，都已经好好，另外，佢就算喺露台做嘢但依然会戴口罩，已经关晒玻璃门都唔会掉以轻心。

陈豪匿喺露台都唔够仲要戴埋口罩。

个海景好正，但咁样坐成日都好辛苦啫。

囝囝隔住玻璃睇住爸爸。

好锺意拍片嘅陈太又拍咗段片，细女Camilla拎住啲饼畀爸爸食，陈豪大赞囡囡好Sweet，氹到囡囡微微嘴笑，由于要同爸爸同屋分隔，三个仔女同老婆都会久不久隔住玻璃门探老公，好似去咗动物园睇动物咁，都几好笑。陈茵媺出PO留言，「Camilla wanted to bring a #snack 🥙🍪🍰 to "Daddy Camper" 🥰🥰🥰. He has been #chilling and camping outside the balcony for the past few days other then when he goes to bed. #justtobesafe」。简单讲，即系个女想拎嘢食畀爸爸食，又指老公呢几日为咗安全都去露台生活直至上床瞓觉，真系辛苦晒陈豪。

囡囡拎饼畀爸爸食。

陈豪一拎完都尽快关门。

陈豪赞囡囡好Sweet。

仔女及陈茵媺一齐去探陈豪。

陈茵媺喺小朋友后面呀。

陈茵媺好热衷分享家庭生活。

 

更多新冠疫情资讯请到以下专页浏览：（按此）


 立即下载｜全新《星岛头条》APP：https://bit.ly/3yLrgYZ