何雁诗陀B六个月出街食点心兼入货当减压

2022-03-04 22:30

何雁诗（Stephanie）已怀孕6个月，虽然疫情大爆发，但佢冇话惊到唔敢出门，仍然会同老公郑俊弘出街入货。从佢上载嘅片可见，两公婆先去买点心上车食，食饱就一齐去街市买嘢，扫红枣、鸡蛋、萝卜、冻肉等等，不过对于冇乜新鲜肉只能买冻肉表示好Sad，最后见到砵仔糕亦忍唔住买。

大肚婆每星期出街行吓。

老公拎埋手推车去扫货。

轮流拉手推车。

食点心当午餐。

买蛋。

买冻肉。

仲有买砵仔糕。

Stephanie表示明白现时人人都好关注健康，但佢认为心理健康亦同样重要，所以偶然要做啲令自己开心嘅小事，将爱送畀想念嘅人，亦要爱自己多啲，所以佢𠵱家一星期出一次街补货，买自己锺意嘅美食，补购烘焙用品嚟奖励自己。另外，Stephanie留意到现时好多货定价过高，所以会尽力格价，觉得咁做可以减压，更勉励大家一切将会过去，希望大家都平安。