飞虎3｜姚子羚同吴卓羲演感情戏嗌辛苦蔡思贝拍动作戏感挫败

2022-03-05 20:00

姚子羚与吴卓羲（Ron）对上一次合作是2005年的《酒店风云》，加上两人本身老友鬼鬼，所以今次在TVB热播中的《飞虎3壮志英雄》再次合作，一点都不陌生。子羚接受娱乐新闻台的《StarTalk》访问时说：「佢都冇乜点改变，当然有成熟咗啦，但佢都系大细路，好锺意整古造怪同万岁请大家食饭，同佢再合作有一份默契同开心。」子羚又笑言因为与Ron太老友关系，故拍感情戏时其实很辛苦。

子羚则对绑架戏最难忘，谈到Ron在剧中英雄救美，她说：「子乐（吴卓羲饰演角色）喺套剧入面系正嘅！」另谈到与郭晋安继《与敌同行》后再续兄妹情，子羚笑言：「隔咗咁多年之后，我见到佢都系叫阿哥，到依家再合作番，变得更加亲切，真系好似我哥哥咁。」

姚子羚话Ron仍是大细路冇乜点变。

子羚对剧中绑架戏最难忘。

至于蔡思贝谈到剧中多次请Ron食柠檬，她笑言其实有苦衷：「因为呢个女仔非常冇安全感，觉得Ron个角色吊儿郎当，要经过好多考验先觉得依赖得过，最后先接受佢。」

思贝则笑言拍枪战拍到惯晒：「我自己就算戴咗耳塞，啲响声都系好入耳，会 Feel 到耳膜有震动。」对思贝来说，最难忘是商场枪战场口：「因为喺室内，个回音好犀利，耳仔真系嗡嗡声，仲要个个四方八面咁开枪！」

思贝最难忘商场枪战场口。

思贝在剧中多次请Ron食柠檬。

身为「视后」的思贝则坦言拍摄动作场面让她感到挫败：「佢哋要求我做得乾净俐落，但我每日都觉得好惭愧，觉得自己做得唔好、做唔到。」不过由于有很好的拍摄团队 Back Up，令思贝留下不少难忘拍摄回忆：「好似商场场戏，要短跑100米冲过去，之后要打筋斗，再起番身对住上面射枪，个摄影师系揸住部摄影机陪我跑，好好玩成件事，好似打机咁！」