独家丨吴海昕望原班人马再开新剧不赞成拍《940920》第三季

2022-03-11 22:30

吴海昕（Sofiee）继ViuTV原创剧《二月廿九》后，再饰演前传《940920》女主角「Yeesa」，她坦言今次演出比上次较易投入角色更轻松，不过由于有不少场面要重演前作，有一定难度。虽然 Sofiee很享受跟整个团队合作，大家如家人一样亲切，但她坦言不赞成再有第三季，反而希望原班人马再开新剧。采访：杜淑霞摄影：沈健程发型：Zap Tang@Toni & Guy化妆：Onki Lau 服装：Marimekko@marimekkohk

Sofiee拍《940920》比起《二月廿九》，心情轻松得多。

剧中有不少神还原《二月廿九》场面，不但获观众大赞，Sofiee置身「神圣几何学会」等场景也感到好神奇，「所有嘢都一模一样，神秘学嘅摆设水晶，连梳化块布都系一样。」不过再重演这些戏，她认为有难度，「我觉得几得意，做演员成日都话可唔可以畀我做多次，一定会做得更加好，但原来重新做返一次系好难，因每个表演都系独一无二，同埋导演系会喺现场攞住个电话喺度睇返之前啲戏，譬如佢会话你呢秒手指尾好似郁咗少少，唔得要再拍。」

「Yessa」今季面对不一样的「余家聪」。

Sofiee再演「Yeesa」，面对「Ryan」感受特别深。

尝试演舞台剧

Sofiee再演「Yeesa」感受特别深，亦减少了《二月廿九》时压力，「第一季好多戏份好大压力，同埋成条主线都喺我度，今次经历咗上一季，已经好了解个角色，好了解其他人物背景，今次好放松去做，对团队亦好有信心，有啲人系第三次合作，基本上我哋一埋位戏都唔使排，第一个Take已经系最好，大家已经好有默契。」不过对于再开第三季，她反而不太赞成，「我谂唔好啦！哈哈！如果要写都会写到，但系我觉得今季个结局冇办法再超越，个结果系苦中带甜，又令人学懂成长，如果再开都系同一个班底第二个故事。」

Sofiee大赞剧组神还原「神圣几何学会」场景。

Sofiee因合作《二月廿九》，跟团队已培养出默契。

疫情下Sofiee好感恩工作未有停，今年仲会尝试舞台演出，「一个爱情剧，可能导演有睇咗《二月廿九》觉得我有啲邻家感觉，唱歌系副线，唔系真系啲歌剧，系啲抒情歌，我本身系几恐惧唱歌，本身个声底都有少少窄，迟啲都会去学唱歌，嚟紧呢两、三个月会好专心去研究舞台呢样嘢，做舞台剧好难，要记台词同埋现场感，拍戏拍剧可以NG好多次，但舞台系即兴。」