方力申激罕放负患抗疫疲劳 荒废1年健身架被阿妈改做储物柜

方力申（小方）日前为「全港社区抗疫连线」担任义工车队一员，身体力行为社会出一分力。不过，就算再正能量的人，面对这两年多的巨大疫情侵袭，再加上政府实施的抗疫措施，令大众市民社交、娱乐活动大减，除了工作外只能待在家中闷到发慌，很多市民也出现抗疫疲劳现象。

 

这次就连小方也因抗疫辛苦要呻一呻舒发情绪，昨日（20日）在社交网贴出几张照片，就是他家中用作健身的设施因差不多1年没有用过，被妈妈拆掉改为安装储物柜。他留言：「抗疫真系会疲劳㗎。泳池又停，工作又停，目标又冇，连屋企个健身架都拆咗三分二，不过其实我都冇练成年㗎喇，所以阿妈先话拆咗佢，要嚟做储物柜。疫情第五波，连我呢个正能量，都有放负嘅时候。唔好睇我成日post d 正面嘢就以为我一定好positive , 未必㗎，social media上面你见到嘅嘢未必系真㗎！当然，如果你被我感染，开心积极咗系好事，但如果你本身系唔开心嘅就千祈唔好有比较，令自己更加唔开心。」

 

方力申以前经常喺家中呢个健身架做健身。

 

由于差唔多1年冇用，被妈妈拆咗改为安装储物柜。

 

他又指出，人人都有情绪，都有开心唔开心的时候，他可以让自己颓废，但要给自己一个限期，所以他就校返闹钟起身，每朝同阿爸阿妈饮咖啡，寻回兴趣，他更从上星期开始做返少少gym。最后他再为大家打气说：「开心一定搵得番嘅，系睇你想唔想，加油呀大家。我正面番㗎啦，可以继续信同继续like我啲posts。」

 

小方话颓废都要有限期，而家校返闹钟起身。

 

日前仲帮手做义工。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ