陈苇璇跑步中途突休克急送ICU 不明敏感引致幸无大碍今出院

2022-03-23 13:00

前女子组合As One成员陈苇璇，曾参加ViuTV的《全民造星III》夺得亚军，知名度提升不少，但日前她在IG限时动态自爆突然休克被急送入ICU。陈苇璇忆述出事经过：「话说食完晚饭休息咗两个钟谂住落街跑步，跑咗十几分钟都无事，一路戴住口罩，见热除咗件风褛（入边都系长袖衫），再跑咗无一分钟就开始脸好痕，我心谂应该同之前一样都系生风癞，所以已经停止跑步折返屋企。」

陈苇璇日前在IG限时动态讲及出事经过。

真的幸好有男朋友在身边。

正当陈苇璇在回家途中时，她情况急转直下：「好快全身都好痕，脸已经开始好肿，我行行吓就开始晕，好彩啱啱男朋友陪我跑，唔够一分钟我已经由晕晕哋，但行到变到要瞓喺地下休克状态，我听到有几个人行咗过嚟帮手，但已经睇唔到嘢，唔知自己去咗边咁，佢好快call咗白车，好快到咗，都好快去咗医院，唔知系咪因为太冻，我由白车去到医院都系咁震，医生帮我打咗针，我开始有番知觉讲到嘢，佢话我系敏感性休克，虽然未知敏感原系咩，但啱啱血压太低要留院观察，咁大个女第一次去深切治疗部。」

陈苇璇特别感谢医护人员，而昨日（22日）她已转去普通病房，而今日更贴出爱猫相片指已出院回家，稍后会做详细检查希望找出致敏原因，以免好友及fans担心。