独家丨杨潮凯遗憾未能亲身见证　首次执导电影攞奖停不了

杨潮凯跟大学同学吴咏珊合导电影《喜欢你是你》，除率先夺得「香港亚洲电影节夺得-观众票选最佳电影」，日前再荣获「大阪亚洲电影节-ABC TV Award」，计埋较早前在英国和澳洲影展得奖，作为新导演成绩绝对令人鼓舞，潮凯坦承是梦想成真，遗憾因疫情未能亲身领奖及看观众反应，但得奖后他会坚持初心，拍出自己真心喜爱的作品。采访：杜杜

潮凯用菲林机亲自拍下拍档吴咏珊，以及该片女主角谈善言和杨偲泳，送给三人留念。

潮凯最享受入戏院，看观众睇戏时反应。

潮凯执导电影其实早前已荣获英国「North East International Film Festival LGBTQ+」及澳洲「Queer Screen’s 29th Mardi Gras Film Festival」的奖项，对于电影有好成绩，潮凯感到很光荣，「能够得到香港朋友，海外电影节同海外观众认同，系好光荣，而海外电影节得到佢哋认同，系有种使命感将香港电影带到外国，始终我读创意媒体，都算系读电影出身，以前都会谂几时有套戏可以喺戏院畀人睇到呢？𠵱家好似实现咗梦想，真系好Aamazing。」

《喜欢你是你》除入围「大阪亚洲电影节—竞赛单元」外，更夺得「ABC TV Award」。

电影荣获英国「North East International Film Festival LGBTQ+ 最佳电影（Best LGBTQ+ Film）」。

想为兴趣做导演

不过最可惜潮凯因疫情未能亲身去见证，「其实大阪电影时我哋都好想飞过去㗎！但佢哋嗰边疫情都严重，佢哋都唔建议我哋过去。系好失望呀！除咗香港嗰个影展，英国、澳洲同埋大阪都去唔到，我最想去戏院同佢哋一齐睇，睇佢哋反应，观众个反应系最直接，锺意定唔锺意，睇完佢哋反应再听佢哋讲佢哋感受，呢个过程令我可以了解佢哋点睇呢件事，呢个系一个知识嚟，对我系一个得着，因为创作人应该攞多啲唔同角度去睇一件事，令我创作可以更完整。」

该片夺得澳洲「Queer Screen’s 29th Mardi Gras Film Festival-Audience Award for Best Narrative Feature（观众票选最佳剧情片）」

连澳洲驻香港领事馆，亦在Facebook出post恭贺电影得奖。

疫情下，潮凯已向第二部作品出发埋首搜集资料，但他暂时未有意全身投入导演工作，「我冇刻意界定自己摆多啲时间喺幕前定幕后，因为幕前幕后都系做紧创作，不过我有啲衰，一直希望导演唔会成为职业，永远都系我嘅兴趣，咁样就唔会有压力影响创作，有个好感动到我嘅故事先拍，因为我唔想违背咗自己初心。」

《喜欢你是你》更在韩国正式公映，可惜潮凯未能飞当地支持。

潮凯认为能在海外夺奖，因电影中的爱情故事，不论任何文化背景都应该有共鸣。

更多第5波疫情资讯，请到以下专页浏览（按此） https://bit.ly/3JqiBzz

立即下载 | 全新《星岛头条》APP :https://bit.ly/3yLrgYZ