黄伟文入围世界百大俊男感尴尬 发表退选宣言求官方除名

近日美国网站「TC Candler」公布2022年世界百大俊男美女入围名单，不过近日多名入围的香港男女明星都惹来质疑，认为该榜公信力不足。但网民发现其实该网站有讲明课金的话，网站就唔可以Skip咗课金者提出的提名者。而香港时间昨晚（26日）「TC Candler」再公布多一批入围者，其中就惊现著名填词人黄伟文（Wyman）！

 

日前连唔系卖外表的ERROR都四子全入围。

 

大家可以留意返奇洛李维斯呢张图，官方自己拣嘅入围者系冇课金Logo。

 

最新公布嘅一批入围者中，惊现填词人Wyman！

 

Wyman得知自己入围世界百大俊男似乎一啲都Feel唔到开心，反而感到万分尴尬，他即时于「TC Candler」的IG问官方可否撤回他的提名。有香港的网民留言表示：「Wyman笑到我喊😂😂😭😭」，Wyman都知他入围世界百大俊男的消息会引来网民嘲笑，今日他于IG发表退选宣言：「首先，成件事我并无『参赛』完全被动，被提名咗都唔知咩事。陪大家开个玩笑，被大家恶作剧一下，喺疫情中提供一点欢乐，我系ok嘅，但我系无份用任何方式『搞』自己入去呢个名单嘅，非我性格亦非我所求，唯独呢件事一定要讲清楚。」

 

Wyman希望官方除佢名。

 

Wyman发表退选宣言。

 

Wyman话自己知自己事，希望大家笑完就算，亦都希望大家尊重他不想争百大俊男的意愿，跪求官方让他退选。而他更诚心询问网民：「真正最想问系有冇得唔接受提名，要求有关方面将我除名㗎？」又叫大家不用恭喜他，称自己不贪求这些名衔，仲讲笑问会唔会最后入选名单人数有几百万个？

 

入围世界百大俊男令Wyman感尴尬。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ