Juicy叮｜无业夫留家等援助金 妻返工兼煮三餐反被斥无煮宵夜

有网民在「亲子王国」讨论区发文，不满丈夫失业后长留家中等政府失业援助，妻子要上班还要煮一日三餐，丈夫更因无宵夜食而发脾气，令她感到丈夫犹如烂泥一般。

从事轮班工作的妻子发文说，因翌日要上早班，凌晨4时40分就要起床，而且因为太早所以无车转驳要步行20分钟出去搭巴士。但丈夫在深夜觉得肚饿提出想食面，被她拒绝后大发脾气。

她不忿开始抱怨，说「佢（丈夫）已经无工返一个月，为左等失业救济金，佢唔搵工，日日都叫我朝早煮早餐佢食，午餐晚餐都系叫我煮或者落街买。连宵夜都煮？」，而且「听日（翌日）放工又叫我买埋餸或者买晚餐返去佢食。」，又指「期望佢搵工嘅话呢，就真系好唔乐观喇，因为佢旧同事有话俾佢知边度边度请人，佢话果度返工远，果度又点点唔好咁。」

还不止如此，她更控诉，「同佢生活同坐监分别不大」，几时用电话、用电话做甚麽都受到严密监控，不准上影音平台或听歌或用社交通讯程式。又指谈婚论嫁时，对方承诺会戒烟，才嫁给他。结果一直说要戒，但结婚12年都仍然日日在家吸烟。更加离谱的是，丈夫如果不高兴就会大声喝斥掷物，亦有试过大力推她，并曾因家暴报过警。有次她赶住上班，丈夫刚好回家，丈夫入屋时她已尽快去门口帮手接收所买的厕纸，「可惜速度未达佢标准，拎咗2条上手，佢就将第3条飞越我头顶掟咗入房」；还有「我大紧肚时，我话衣车车针断左，迟啲要去配返，佢就嫌烦，一拳打落部衣车度，原来衣车识由厅中间飞到入厨房」。

但丈夫对10岁女儿却又不会动武，「对个女最多都系大声闹下，对我间中郁手。但个女又好痴佢」，令她慨叹「我都好想个女识体谅我，明白我苦状，但佢事实就系非常支持爸爸。我都唔明佢点解咁信爸爸」。而且女儿怀疑受爸爸影响，「个女已经经常欺凌我，仲学爸爸咁讲嘢，话爸爸要俾家用我，系我呃晒爸爸啲钱」。她无奈喊冤，指「佢啲家用左手黎右手去，全部俾晒屋租水电煤无剩。」

有一次她上完通宵班后回家，早上还独自带女儿去海洋公园玩耍，丈夫更吩咐她出钱购买一只3000元的智能手表，但她觉得丈夫毫无需要用上。但发文者只好照办，当去到电器店付款购买，她抱怨「几句你净系叫我嚟畀钱之嘛，咁仲等咩丫？」丈夫就独自丢下妻子快快离开。而事后丈夫也根本无善用手表，她透露「结果我确诊果几日有晚心口好痛，个心跳得好大力咁，问佢只表系咪有得量血压血氧量，佢系唔知嘅...先知佢原来只智能表系无连接手机app嘅 」。
 

不少网民都奉劝发文者应该考虑离婚，也有人怀疑丈夫有情绪病或精神病，「佢有无咁cheap又要做大男人连买只表都要叫老婆去畀钱」、「我睇完楼主嘅文，都即时谂到天水围的日与夜」、「惯性被虐待时，间唔中又好少少/正常少少，被虐者就感动流涕，心谂终于改善到，但不久又重复被虐，走唔出呢个魔掌」、「你自觉为个女容忍呢个怪物，将来都会有唔少情绪反映返去个女度，将来肯定会同个女呻，我为左你先唔同你个衰老豆离婚，先唔离开头家...而家你个女只不过系先甜后苦，你就先苦后甜。计时炸弹始终都会有爆炸嘅一日，你嘅怨气始终会有一日发泄响个女身上。因为佢系你继续受苦受虐嘅原因。呢个系好自然嘅事，个女将来必定有排受。能量储得越耐，爆炸力越强」

 

帖文转自《嫁左俾人渣烂泥》