阿仪犯官非无阻下厨心情 煮超稀猪润鸡粥Fans话想一齐食

37岁的「亚姐一姐」薛影仪（阿仪）日前承认一项普通袭击及一项违反「口罩令」控罪，在屯门裁判法院被判即时入狱两星期，违反「口罩令」则罚款5,000元，她透过代表律师申请保释等候上诉获批，之后阿仪开记招向大众致歉。

阿仪开记招鞠躬道歉。

阿仪上庭承认袭击街坊及未有佩戴口罩违防疫规定。

阿仪IG好好睇

从阿仪嘅IG完全睇唔出佢犯官非，即系唔觉佢唔开心，继续阿仪式爆笑上载。有Follow阿仪IG都知佢几锺意下厨，但制成品卖相真心一般，加埋影得求其，讲真睇完食欲系零。

呢煲系苹果猪横脷南北杏猪腱汤，你敢唔敢饮?

呢个系冬菇发菜生菜，感觉好死亡。

卖相真心麻麻

最新有好似猪润鸡汤嘅猪润鸡粥，碗粥稀到如果喺铺头食应该会叫回水，但Fans唔介意仲问可唔可以同佢结婚一齐食粥，获本尊例牌回覆「唔可以」。另外佢又上载喺元朗街市买嘅减肥乌冬，好多Fans问可唔可以同佢一齐减肥，希望获阿仪留句唔可以，但阿仪可能太忙，所以系冇回覆嘅。

呢碗系猪润鸡粥，稀到呢。

好想亲耳听阿仪讲唔可以。

阿仪买健美乌冬想减肥。

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ