独家丨郑融研究开胃泡菜食谱 余咏珊新节目教煮家常菜

前无綫非戏剧节目监制及经理张志明去年10月请辞后，跟余咏珊组新公司「好好制作」，头炮重点新节目《疫境中的餐桌》于4月4日首播，搵嚟昔日「地狱厨神」郑融、《试当真》演员陈颖欣(Yanny)、梁茵及星级大厨张锦祥 (Ricky)、余健志(Jacky)等以「快靓正」煮出简单家常菜，及不一样的好味道。采访：方骞平

黄恺怡跟强哥及Stanley学嘢。

《疫境中的餐桌》于下周一晚上8时半在香港开电视77台播放，共45集，除咗由大厨教煮餸外，更联同食肆及商户合作推出开电视优惠套餐畀观众。张志明强调，𠵱家生意难做，所以今次全部冇收广告费，希望能共渡疫境，对观众嚟讲都系双赢，学到煮简单家常菜同时，又可以买平嘢。

张志明最擅长制作饮食和旅游节目。

陈颖欣变身食评家

当日梁茵及邝芷凡录影首集，由名厨「串嘴」强哥及Stanley教做酱爆肉丝及姜葱猪扒，邝芷凡形容大家喺抗疫疲劳下，食得开心及健康好紧要；梁茵平日喺屋企来来去去都系蒸水蛋、蒸排骨、菜心炒牛肉，今次学到新嘢，又形容识煮嘢嘅男仔好有魅力会加分。

梁茵及邝芷凡系首集嘉宾。

梁茵被赞系「高级猪扒」。

另外，嘉宾之一嘅郑融由「地狱厨神」变身「疫境厨神」：「疫情下要调节生活适应新常态，例如去街市买餸，要考虑埋点样储存到食物，买得太多又会嘥，呢啲全部都系学问。」而她研究到泡菜食谱，既开胃又健康。至于陈颖欣就觉得留喺屋企好舒服，好自在，今次喺节目更变身食评家，获益良多。

郑融喺疫情下食得健康。

梁凯宁及郑融齐向名厨Ricky及Jacky学嘢。

陈颖欣喺节目中偷到师。

更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ