独家丨苏皓儿想趁后生拍青春爱情戏获伍咏薇照顾压力全消

2022-04-06 07:00

身为《金宵大厦》粉丝的苏皓儿（Chloe），最近有份参与《金宵大厦2》其中单元《双鱼》，首度跟伍咏薇（伍姑娘）合演母女，戏内经常被「妈咪」虐待，但戏外却处处被好前辈照顾提点，令她压力全消。Chloe今次一尝演惨情破格角色，但28岁的她最想30岁前能拍套青春爱情戏。

采访：杜杜摄影：沈健程

发型：Al Leung@The Attic

化妆：Melody Chiu

28岁的Chloe，竟然担心自己青春不再。

Chloe跟「妈咪」及演她童年时的小演员拍照留念。

初次跟伍姑娘合作，Chloe不但冇压力，反而对方一句话令她好安心，「围读时伍姑娘畀好多意见我，我哋交换电话后，佢仲whatsapp我话『阿女呀！我哋唔系要完成呢件事，我哋系做好佢，我哋做到100分，但系冇压力嘅』，令我觉得呢个前辈真系好好人。」

剧中Chloe经常被伍姑娘虐待，所以个样好惊青。

正式拍摄，伍姑娘亦亲自指点Chloe，「佢好亲切，每次去到片场都系带住个好好嘅心态，会为个角色唔食嘢，因大家都要好瘦咁进入个状态，演绎上面佢经验比较丰富，一路都有教我，同我讲点样先至可以喺画面呈现得好啲。」

Chloe在《金宵2》演的「渺渺」，小时候因意外而毁容。

有伍姑娘带入戏，令Chloe尝试一take过完成拍摄，特别有满足感。

扮丑冇底线

Chloe剧中毁容造型相当特别，事前除花半日做特技化妆倒模，每次拍摄前再要化妆3至5小时，但她觉得效果好都值得，「拍外景喺街度狂奔，路人啲目光都会有啲奇异，可能谂呢个人装扮咁奇怪嘅。」对于扮丑，Chloe绝对冇底线，烂面、光头、增肥、减磅都冇问题，就连要裸露，只要剧情需要都会考虑，「遇到个角色系贩卖身体，演呢类型戏都需要。」