安孝燮陈年跳舞片疯传 手长脚长跳出镜头好搞笑

26岁的安孝燮凭《社内相亲》人气急升，虽然剧集刚大结局，但社长紧接拍《在你的时间里》即韩版《想见你》，已有网友拍摄到佢同女主角全汝彬拍外景，相信会愈嚟愈红。

 

安孝燮凭社长一角爆红。

 

安孝燮的IG  Followers已升到670万，旧史及情史顺理成章出土，知道佢七岁跟家人移民到加拿大，高中时被JYP娱乐发掘回归韩国做咗三年练习生，曾经跟GOT7的成员们一齐集训，后来因为生得太高，有成187cm而未能正式出道，之后离开JYP加盟Starhaus娱乐，再跟郭时旸、宋元锡、权度均组成限定演员男团「One O One」，所以社长唱歌同跳舞都相当得心应手。日前佢同金世正为破收视找数唱歌，当时好多Fans赞男方唱得好，梗系啦，人哋争啲出道做歌手㗎。

 

练习生嫩口Look。

好可爱。

同而家都似样吖。

 

另外，一段17年上载嘅安孝燮同金瑟琪跳舞片亦浮返上面，虽然社长手长脚长，但舞蹈动作好Smooth，配埋可爱表情，最好笑因为佢对脚太长成日走出镜头，Fans留言叫佢唔好咁犯规，又叫佢停止散发魅力，好睇得嚟都几好笑。

 

预备跳舞。

动作好俐落。

笑住跳好好睇。

舞蹈实力不错。

跳出镜头。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ