Jessica@SG阵痛往返医院等生半夜穿羊水盼顺利顺产

2022-04-10 15:45

前女团Super Girls（SG）成员蔡明思（Jessica）三年前嫁台湾老公陈冠廷后，早前造人成功，今日她在社交网贴出在医院的照片，表示待产中。她写道：「见红咗两日之后，终于有宫缩，寻日（9日）早上6点几痛醒，一企起身又唔痛，但一瞓低又痛，到瞓咗3、4个钟之后起身又见红，所以最后中午决定都系入院睇睇，其实我知自己未生得，因为我啲宫缩唔算好密，又唔算好痛，所以我知去医院之后一定系要返屋企。」

Jessica等紧BB出世。

Jessica早前与老公影孕照。

Jessica自言没想到检查完返屋企就愈嚟愈痛，有时10分钟、有时20分钟就痛一次：「到11点左右痛到6分钟一次，好彩有入院，之后痛到3分钟一次，原来开咗两指，等咗好耐个covid报告先可以叫麻醉师过嚟打麻醉，白白捱咗2个钟头痛……打完麻醉即穿羊水，但都只系开咗2指，而家我要瞓吓先，希望一切顺利，BB可以顺利顺产……祝我顺产顺利 #我的生产日记」，虽然宫缩令到她好痛，不过Jessica仲识讲笑，称不知道到时打麻醉药，个感觉会怎样。