独家丨陈慧琳打晒针冇有怕与助手母女行超市劲多人

2022-04-12 07:00

49岁的乐坛天后陈慧琳（Kelly）自2008年与爱情长跑16年的男友刘建浩结婚，之后就开始减产将专注力放在两个儿子刘升（虾饺仔）和刘琛（小笼包）。Kelly唔似得其他艺人，因为疫情下工作量大减而叫苦连天，有传她手揸4亿物业，身为富婆难怪唔忧做啦。日前见她与女助手Winnie两母女行超市心情劲靓，买漏嘢又返转头慢慢再拣，呢种悠悠闲嘅生活，真系令好多打工仔女羡慕呀！采访：娱乐组

Kelly同助手母女一起逛超市，更因买漏嘢而走两转。

Kelly于2008年嫁给刘建浩后，专注家庭照顾两子。

近日第5波疫情严峻，但Kelly去中环行超市都冇话好紧张，眼利的她离远就见到本报记者，记者上前打招呼，Kelly都有问有答十分亲民。Kelly表示见到超市咁多人都有啲惊讶，不过就冇话好担心受感染：「冇担心，打晒针啦嘛！打晒针就冇咁惊罗！」仲话买晒餸返屋企下厨。

Kelly透露已经接种咗新冠疫苗，因此出街都冇咁怕受感染。

买完餸都未天黑，Kelly都买个饭团医吓肚。

忙吹水买漏嘢

Kelly同行的是跟她工作约20年的女助手Winnie，二人情同姊妹，即使冇工开都不时被传媒影到相约逛街。多年前有传Kelly得知Winnie要结婚买楼，送上的大利是厚到够畀首期，可见二人的好交情。呢日仲见Winnie的女儿都同Kelly一齐行超市，三人有倾有讲，先买些小食如芝士和烟熏火腿等。未知是否挂住吹水，之后发现买漏嘢再返转头买冻肉，Kelly离开超市时，还买了一个日式饭团医吓肚。

助手Winnie已经为Kelly打工约20年，二人感情犹如姊妹。

之前本报都多次影到Kelly不用工作的日子，都约助手Winnie行街，可见感情好好。

有传Kelly当年封厚利是给助手Winnie结婚买楼。

天后都要下厨

早前日日上万宗新冠肺炎确诊，防疫措施又收紧咗，冇得晚市堂食令唔少主妇日日烦恼煮乜好。天后Kelly都唔例外，呢日见到记者都透露疫下仍然出门，都是为了买餸返屋企煮饭。被问到超市咁多人怕唔怕受感染，Kelly淡定表示：「唔担心，打晒针啦嘛，打晒针就冇咁惊罗！」她也估不到呢日超市竟然咁多人，不过她说很快就买完离开。友善回应几句后，便与助手两母女一同上车走人。