麦浚龙女友PO甜笑合照高调贺拍拖12周年

2022-04-14 09:30

近年麦浚龙（Juno）同中英混血女友Janine(戴庚玲)拍拖愈嚟愈高调，虽然距离拖手出席公开场合仲有一段距离，但两人在IG互动愈嚟愈密。上月，Juno 38岁生日，女友在IG贴出两人的生活照再留言：「Rise and shine， birthday boy. Love ya， never put no one above ya. 」形容Juno是自己最爱，冇人俾佢更重要，罕有隔空示爱，而Juno也少有地留言回应女友：「My love.」

两人罕有放闪。

背面合照。

两人连啲生活照都好鬼艺术。

昨日，Janine又上载同Juno嘅黑白合照，相中男方背向镜头，女方就露齿甜笑望住男友，留言，「Twelve years of us.」(我们的12年)。Janine今年40岁，但Juno多次提到自己唔会结婚亦唔会生小朋友，「我的爱情观很简单，喜欢一个人就会一直喜欢。我哋冇结婚计划，因为我唔太叻面对小朋友，感觉呢个世界愈嚟愈复杂，系冇需要将新生命带嚟呢度。」甚至讲到明，「结婚也不等于爱对方。我喜欢浪漫，会觉得有小朋友会令两个人之间的爱分散。」难得Janine同Juno同样谂法，最紧要开心。