独家丨黄又南储起七人工成为家人 洪金宝亲授人生锦囊

黄又南、林耀声及麦子乐于亚洲心动娱乐（AMM）网剧《逐流时代》演3兄弟，又南系博上位嘅金融才子，林耀声就系追音乐梦嘅大学生。现实生活中38岁黄又南坦言公司会抽起佢七成人工用嚟储蓄，搵10蚊实收得3蚊，对此佢零埋怨：「呢啲男人应该做嘅事。」采访：方骞平 摄影：沈健程

黄又南、林耀声戏里戏外都相当合拍。

林耀声完全唔敢掂股票。

黄又南储起七人工成为家人。

黄又南、林耀声新剧中合作。

黄又南、林耀声戏里戏外都相当合拍，最搞笑两人异口同声话，完全唔敢掂股票，但又会考吓眼光𥄫住个市。林耀声话自己冇赌运；又南觉得自己咁嘅岁数受唔起刺激，而且唔想蚀咗啲辛苦钱。

黄又南、麦子乐及林耀声演3兄弟。

林耀声同黎纪君不打不相识。

当年买楼花损失六位数

又南最记得一项投资，系多年前和姐姐夹份买港岛东一个大型私人屋苑楼花：「当时只有少少钱，但地产商就特别招待我，问我想买几多个单位？唔好意思话要住一个先，决策交由姐姐...最后楼花甩唔到手，直至入伙一年后才能低价成交，我损失咗10几万，点知卖出咗一年后，楼价就劲升咗3倍，𠵱家更加不得了，哎！唯有当系赚咗经验，自此之后都唔敢再投资。」

剧中黄又南同陈雅丽嘅感情波折重重。

又南最记得08年拍电影《叶问》时，大哥洪金宝叫助手搵他，佢好惊咁行过去：「大哥袋钱落我袋，同我讲『你同我一样系辛苦命，要落手落脚去做，记住唔好去赌钱呀！』」提到又南一入行就要为爸爸还债，𠵱家就为家人努力储蓄，将七成人工交公司处理：「我唔会睇片酬，费事自己乱谂嘢，虽然冇乜多馀钱使，但做男人要有担当。」

08年拍电影《叶问》时，大哥洪金宝叮嘱又南唔好赌钱。

黄又南为爸爸还债，其父于20年尾离世。

林耀声同沙律情已逝。

 更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ