冯允谦为7月十周年演唱会影海报惜肉如金拒露胸前两点

2022-04-20 14:30

今年是唱作歌手冯允谦（Jay）出道10周年，今日他宣布在7月2至4日，假九展StarHall举行三场「冯允谦Have a JAY Time 2022 演唱会」。日前Jay拍摄演唱会海报，他激罕解开衫钮，胀卜卜胸肌若隐若现，非常吸睛，不过坚守拒绝露点，Jay表示：「今次影相最大挑战，系我前两日同屋企人上咗邮轮玩，食咗好多嘢，嚟到影海报时就知惊！」拍摄团队为Fans谋取福利，不停解开Jay的衫钮，挑战他的性感尺度，Jay笑谓：「有少少尴尬，好惊啲肥膏『咇』晒出嚟！多谢摄影师好叻，搵啱角度，影到好靓！」

除了衫钮，胸肌若隐若现，不过坚守拒露点。

日前为个唱海报拍摄。

个唱开骚倒数尚馀70天，Jay透露已开始努力减磅：「去年减咗15磅，但自从爸爸返咗香港同我一齐住，呢半年佢日日煮好多好好味嘅嘢畀我食，我唔食佢会嬲，作为孝顺仔一定要食晒，结果重咗10磅，就嚟开骚我真系唔可以再食。」Jay的另一挑战是背熟歌词，他坦认记性欠佳，要记熟所有中文歌词要花上很多时间，现在他会不停听在个唱上会唱的歌，笑言连睡觉听着，希望发梦都能记得。