独家丨乔宝宝英国报平安 误传患新冠肺炎
2022-04-30 01:50 
现身处苏格兰的乔宝宝，今年2月底带同80岁嘅乔妈妈、大仔「印度豹」夫妇及乔孙孙到加拿大出席宝宝姨甥女婚宴，顺道旅行，三代同堂玩足一个月。原来期间乔宝宝都心挂挂，因为留守家中照顾细仔及爱犬嘅乔嫂嫂中招患上新冠肺炎，幸而症状唔算太重。而乔宝宝返家时，乔嫂嫂经已康复。
4月初时又到乔妈妈不幸确诊，他说：「毕竟妈妈年纪大，所以都好担心佢，香港朋友知道之后分别寄来中成药及虫草产品，我就同妈妈及乔嫂嫂开心share，妈妈真系好坚，佢喺一星期内由呈阳转阴，而且精神都唔错，咁我就喺社交网发文多谢送物资嘅朋友，可能自己中文程度唔好，靠翻译产生误会，讲到系我中咗招咁，直至朋友打嚟问候我病况，先发觉原来系个美丽嘅误会。」
宝宝再向大家报平安，叫大家放心：「我冇事呀！哈！可能有偷食畀阿妈嘅虫草，所以同一屋檐下都冇受感染，5月仲会去美国登台，唱足3场。由于妈咪经已痊愈，所以都好安心出发，半岁大嘅乔孙孙亦冇被传染。」宝宝又指乔孙孙脚头好好，除咗旺佢，有得赚外快外，乔孙孙健健康康，精灵活泼，真系人见人爱。
更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ
最新回应