独家丨余德丞约满TVB结束8年宾主情极速接新job迎新挑战

2022-05-01 00:08

现年32岁的余德丞（Dickson）当年在TVB的《体育世界》出任记者，及后至2014年5月转为艺员；正式加入娱乐圈，至今8年发展尚算不俗。但今年Dickson决定约满TVB不续约向外闯，尝试其他不同的范畴，而他在今日（1日）约满回复自由身后，于凌晨在个人YouTube频道上载一条farewell短片，剖白心声及向TVB讲bye bye，据知Dickson已极速接下新工作，很快又跟观众见面。

片中甫开始是Dickson去清理在TVB的储物柜，柜内见有他贴上转做艺员后第一次拍的靓仔相，还有初期主持儿童节目《Think Big》时，收到小朋友寄给他的圣诞咭，另外，还有2016年里约奥运时TVB风褛及有份拍摄剧集的纪念品。由于物品不多，因此Dickson很快已清空储物柜，清空一刻，他谓：「其实都啲伤感，但旧嘅唔去新嘅又点会嚟。」而他更如拍剧一样，用纸皮箱收拾个人物品离开。

在片中甫开始，Dickson拿纸盒去清空储物柜。

执拾时回想过去8年在TVB的时光。

曾在2016年去巴西采访奥运。

台庆时跟众人跳舞表演。

首次拍公司的月历。

又拍过旅游节目。

未能澄清点灯续命传闻耿耿于怀

接着Dickson为新开始拍摄新一辑个人相片，期间谈到在TVB时的一些回忆及感受，他谓：「喺TVB时做过奥运、讲波；又拍饮食及旅游节目，又拍过剧，最后系《青春不要脸》，8年冇白过，虽然冇代表作，但咩都试过，至少尽心尽力做过。」但Dickson指当中有一件事令他多年来仍耿耿于怀，就是2018年他踢足球期间，突然心脏出事昏迷入院：「当时有个人出嚟话我阿妈去跪佢帮我免费点灯续命，但根本我同妈咪唔识呢个人，我哋识嘅人都冇人去搵过佢，我当时好想企出嚟，但公司认为最好嘅回应就系唔回应，最后更只系叫我答：『多谢关心，我没有回应。』我唔明点解要咁，系啱就啱；系错就错，但而家咁回应，咪令其他人更多揣测，有冇谂过咁嘅决定会有影响，仲会伸延落去，以后人哋谂起我都谂起呢件事。我自己做呢行冇所谓，但我妈咪出到去人哋会点谂佢，咁系伤害一个唔系呢行嘅人。到而家我仲可以坐喺度，好多人就觉得系因为我妈咪去点灯续命。」

在《青春不要脸》中Dickson （右）和丁子朗同是男主角。

短片中谈到当日昏迷入院一事，被屈要人点灯续命仍耿耿于怀。

Dickson指事件令余妈妈备受压力。

愿意跟不同公司单位合作

就离开TVB一事，是否基于健康考虑，始终做电视比较辛苦，Dickson回覆《头条娱乐》表示：「其实呢个都唔系突然之间做嘅决定，都考虑咗好一段时间，跟随自己内心选择，有机会都想试吓见识吓唔同嘅嘢。如果真系健康问题，我直头退休唔做啦，过咗去就唔使再提。」若其他电视台如ViuTV邀请合作会否考虑？又听闻已接了新工作即将开工，他谓：「而家回复自由身，当然希望有新嘅尝试同火花，都期待有唔同嘅工作机会。其实唔一定要电视台，可能其他平台好似网上嘅YouTube或者收音机都有机会呢？所以我都拍咗条CV摆喺YouTube畀大家睇，希望好快有得再同大家见面啦！」