姜涛遭三痴汉强吻庆生鲁庭晖赞有「大器」初出道已好识谂

2022-05-01 12:00

MIRROR人气王姜涛昨日（4月30日）23岁生日，姜糖为与民同乐，举办免费电车日庆祝「姜涛诞」。昨晚十时许，姜涛突袭铜锣湾答谢姜糖，搞到「姜涛湾」一度沦陷，人逼人、尖叫声震耳欲聋，最后姜涛仅逗留约3分钟，便拔足跑离现场。

仍是单身的姜涛，寄情工作，正日生日仍忙于为新剧《季前赛》开工，好兄弟Edan（吕爵安）昨晚在社交网上载庆生短片，与大表哥Stanley（邱士缙）、肥仔（梁业）一齐吻贺寿星仔。片中见姜涛一开始笑脸迎人，但三子突然一齐冲前锡他的面珠，姜涛表现得好抗拒9秒9弹开，但最后三子都轮流锡一啖，姜涛苦笑说：「黐线㗎！」得呈的Edan笑得最奸，并留言：「姜哥大寿🎂为你送上三位痴汉💋记得2100有史诗级MV睇！🔥🔥」，大表哥就话姜涛已成为世上最幸运的男人。

一开始大家都系正正经经咁影相。

三子突击姜涛锡面珠。

姜涛弹开都冇用，大家轮流再锡，姜糖们应该好羡慕。

Edan笑得好奸呀！

姜涛为《季前赛》开工，大家送咗个篮球蛋糕同佢庆祝。

完成工作，姜涛就快闪铜锣湾答谢姜糖。

19岁姜涛最想演复仇角色

姜涛的第十胎新歌《作品的说话》昨日推出，MV上架半日已有近50万观看人次。刚升任做MakerVille行政总裁的鲁庭晖亦有帮手宣传，在社交网上载新歌宣传照，回想姜涛4年前初出道已有「大器」风范：「早几日，收到佢哋个未Final Version。我谂番起几年前，头几次同姜涛倾偈嘅时候，我问佢，喂如果呢依家畀个男一你做，你会想做个咩角色呀。咁我通常得到嘅答案会系『边套戏嗰个边个』或者『边位演员嗰只』。姜涛当时嘅答案系『我想做啲要复仇嘅角色』。我问，点解呢？佢话『鲁生你话依家吖嘛，咁我依家咩都唔识，实做得唔好，我睇戏呢，好多时啲复仇角色呢，净系呆咗咁望住一样嘢，跟住导演、摄影师，编剧啦嗰啲就会令观众感觉到个气氛。我都未得，唯有靠其他专业岗位。哗，19岁。当时，我唔知佢会唔会红，我只系知，这叫大器。23岁，自己导埋个MV。依家，佢望住一样嘢嘅时候，经已唔系『净系呆咗咁』，这叫进步。」不少姜糖都留言多谢鲁生的分享，并大赞偶像是一位谦虚又专业的艺人。