Do姐自认木村女友 惨遭拍档笑情感「滥交」

由「日剧天王」木村拓哉领军的全新月九日剧《迈向未来的倒数10秒》在亚洲掀起新一轮煲剧热潮，余德丞（Dickson）近日离开TVB，即获Do姐（郑裕玲）带挈客串主持《口水多过浪花》，二人在节目上大放笑弹，其间Do姐不但自认系木村「女友」；还激赞剧中女角表现突出，日剧回忆返晒嚟！

 

木村拓哉从影以来首度饰演拳击手，令人眼前一亮。

 

Do姐对世界各地嘅型男都好熟悉。

 

爱足26年 情定《悠长假期》

平成时代是日本影视文化的黄金盛世，资深日剧狂迷Do姐自揭早已锺情日剧：「前几日讲完我嘅韩国第一个男朋友孔刘，今日就想讲吓木村⋯⋯」岂料拍档却笑指Do姐见一个爱一个、情感「滥交」，激得Do姐随即反击：「滥交得过你？你个渣男！」引发全场爆笑！Do姐笑言早于木村出道初期已被「万人迷」迷倒：「我要讲嘅系我嘅日本男朋友木村拓哉，我由1996年睇《悠长假期》开始，已经被深深地吸引！」

提到木村从影以来首度饰演拳击手，Do姐认为他勇于挑战，给予极高评价：「我上网摷过，佢做过廿几份职业、乜都做过！今次佢做一个落魄拳手，我睇嘅时候好开心，觉得木村系一个好努力嘅演员，佢拍咗剧30年，一直都有剧集推出，同埋每次都搏到尽！依家佢都步入中年，今年49岁、两个女都咁大喇，但系仍然有新嘢带畀观众。」

 

内田有纪（左）和满岛光都是Do姐锺情的日本女演员。

 

《迈向未来的倒数10秒》现已登陆「黄Viu煲剧平台」。

 

大赞剧集演员阵容华丽

除了「日剧大神」加持，Do姐还大赞该剧阵容华丽，尤其女角阵容更是她的心水：「女主角满岛光，系我好锺意嘅女演员，佢同木村做戏，好有自己一套；同埋我锺意内田有纪，因为佢男朋友系柏原崇，佢以前同中山美穗拍《情书》，之后好多年无拍戏、后来同内田有纪拍拖，𠵱家做咗佢经理人𠻹，我真系好八卦！」Do姐更指尊尼事务所旗下男团「King & Prince」高桥海人、山田杏奈，以及主演级人马波瑠和安田显有份参演，为剧集生色不少：「好多代嘅演员都喺度，好多大粒（巨星）、好多memory！」而Dickson则欣赏剧情融入民生话题：「剧中木村间串烧店因为疫情结业，我觉得剧集加入疫情（元素），变得好贴地、会更有感受！」

 

Do姐大赞木村和满岛光有火花。

 

剧集有一众新生代演员，包括高桥海人、山田杏奈、村上虹郎等。

 

更多新冠疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ