蒙嘉慧疑隔空撒娇呻噚晚食唔到面网民问：郑州伊面？

2022-05-07 23:30

郑伊健与蒙嘉慧（Yoyo）早前被爆移居日本福冈，并在当地投资百万港元开设房地产经纪公司。近日伊健在台湾忙于拍剧，而Yoyo就留在日本打理生意，Yoyo不时都在facebook分享吓近况，今日她Po出两张于夹公仔店拍的照片，其中一只反白眼表情的公仔引起Yoyo注意：「可爱い真系好想夹一个送比（畀）社长👈🏼会计部，我禽（噚）晚食唔到嗰碗面嘅样。」网民都想知Yoyo系咪想借意向人在台湾的伊健撒娇：「咩面呢？」又问Yoyo系咪讲紧「郑州伊面」？

Yoyo与老公郑伊健早前移居日本，开设房地产经纪公司。

郑伊健在台湾忙于拍剧，与老婆分隔两地。

Yoyo于facebook分享近况，网民质疑她向老公隔空撒娇。

啲网民真系好风趣。

一向很喜欢与网民交流的Yoyo都有回答吓网民问题，有网民质疑她年纪都唔细，仲玩夹公仔？Yoyo就表示：「老公系高手嚟㗎！」果然讲到玩，真系难唔到伊健呀，原来连夹公仔都咁拿手。有网民就将重点放喺只公仔个表情度，「夹只返去，当伊健唔做家务，show呢只公仔畀佢睇！」不过Yoyo在家似乎唔使烦做家务，「佢忍耐力唔够我高，佢一定会忍唔住做咗先……」真系幸福嘞！