张敬轩遮遮话买咗500KG咖啡豆 吓到即刻唔练Band

大家都知张敬轩（轩仔）家有一位可爱的遮遮（工人姐姐），平时煮出不少极具创意的菜式，令轩仔哭笑不得。今日轩仔为本月举行的红馆骚练Band，突然收到遮遮讯息，话买咗500KG咖啡豆，即时吓到Band都唔练，仲话血压飙升。

 

轩仔不时分享遮遮「杰作」。

 

轩仔有位好可爱的工人姐姐。

 

遮遮又有新「杰作」。

 

话说轩仔昨日（6日）见家中啲咖啡豆就嚟用晒，于是同遮遮讲：「我谂我哋要买返啲咖啡豆嘞！」遮遮仲覆佢话冇问题，今早轩仔喺大抽细抽、裙甩裤甩的情况下外出前，遮遮仲问轩仔要买几多咖啡豆，轩仔以过往买咖啡豆经验，两三包都系得500G左右，于是就对遮遮说：「买多啲喇，睇吓佢哋有几多，要晒都得，可以带去红馆畀啲同事用。」于是……就出事了。

 

轩仔就快开红馆骚，本来谂住买多少少咖啡豆拎去红馆益同事。

 

500KG？？？可以益埋观众都得……

轩仔练练吓Band，收到遮遮讯息，「Hello sir,bought the 500kg sir,thank u sir.（你好Sir，买咗500公斤，谢谢。）」轩仔于IG分享当下反应：「我吓到即刻嗌停队Band，出去打畀佢叫佢千祈唔好做傻事…佢仲要Thank You Sir，Don't Thank Me Thank Yourself.」仲话一切都系自己错，求遮遮唔好用咖啡嚟罚佢，如果真系买500KG，真系饮到出年都未瞓得着，仲Hashtag「红馆CoffeeShop」，又话Encore可以由喷纸花改为喷咖啡豆，畀遮遮吓一吓真系唔饮咖啡都提到神呀！

 

轩仔分享畀遮遮吓一跳的前因后果。

 

轩仔表示：醒_晒！

 

而网民与不少圈中人的留言同样好笑，「买咗块田咁多」、「500KG Coffee shop都用唔晒喎，真系唔租仓都唔得」、「饮足10年」、「睇嚟佢惊你唔够精神唱歌跳舞」、「买咖啡豆都可以提到神，劲」。更有Fans话建议轩仔，可以畀观众凭门票换咖啡豆，又或者到时红馆入场每位观众派一杯咖啡。

 

网民建议轩仔赠观众一人一杯咖啡。

 

或者到时由喷纸花改为喷咖啡豆，红馆一定好香。

 

更多新冠疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ