荃湾猪肉档AK爆红真面目曝光「生粉」失望话唔似

2022-05-07 19:30

近日最多人谈论嘅热话，一定系呢位「风度翩翩嘅猪肉佬」。呢位型男个名叫「阿威」，浓眉大眼，金发配银链、再加反领Tee露出纹身，有人称佢为「荃湾AK」，亦有人话佢似小猪罗志祥、MC张天赋、吴卓羲等等，唔少人都专程去荃湾杨屋道街市「朝圣」，买成几百蚊猪肉。

荃湾猪肉档AK每日都set行个头开工。（图片来源：荃湾鲜肉AK应援团）

唔少街坊带埋小朋友一齐打卡。（图片来源：荃湾鲜肉AK应援团）

呢位「风度翩翩嘅猪肉佬」真系经典。

戴住口罩好多人话似AK。

连日嚟吸引唔少媒体争相采访，仲有人帮佢咗开Facebook群组应援团。网民们除咗分享与「小鲜肉」嘅合照及报导外，更有网民贴出疑似「小鲜肉」除口罩露全相的照片。不过，照片一出，唔少AK嘅粉丝都大呼失望︰「可唔可以唔好叫佢AK呀！」、「一啲都唔似AK、MC」、「其实边一忽似AK」。好多人都认为相中人比较似沈震轩或罗志祥，亦有网民留言请对方都系戴返口罩比较好啲。

日前阿威接受传媒访问时，身边仲出现一位自称「经理人」嘅男士话要再联系工作室安排。阿威话有少少受宠若惊，自问唔似明星，更谦虚指自己颜值10分里只拎6分。提起感情状况，阿威大方表示其实已有另一半，亦有网民爆料指佢已婚有小朋友。