张致恒愁样拍抖音片为好友宣传 网民狂叫还钱畀阿Sa

张致恒（Steven）2019年被爆一脚踏几船，再宣布奉子成婚，而且被爆频向圈中好友借钱又唔还，形象插水搞到Boy\'z红馆梦碎，要关智斌（Kenny）独力撑场。当中容祖儿（Joey）、蔡卓妍（阿Sa）等亦多次借钱畀Steven，但最后就失望到连Steven IG都唔再Follow，正式绝交。日前Steven于抖音上载影片，叫大家关注好友带货卖嘢的抖音帐号，却引来网民疯狂留言叫他还钱畀阿Sa。

 

张致恒即使已成家立室，仍然未甩到负面形象。

 

张致恒（左一）曾被指频向圈中好友借钱。

 

张致恒日前拍片Po抖音，又被网民狙击。

 

Steven日前拍片Po抖音，个样睇落有啲愁，而且连须同头发都白白哋，连网民都留言问他：「点解咁多白头发嘅？」不过其他留言几乎清一色都系问Steven几时还钱畀阿Sa，「仲唔还钱畀阿Sa」、「你还咗钱畀阿Sa先讲」、「点解你要呃阿Sa啲钱」，睇嚟好多阿Sa Fans心痛偶像曾力撑好友却被背叛。又有网民批评Steven冇诚信，因此不会关注他介绍的抖音帐号，亦不支持他的作品。

 

张致恒头发同须都白白哋，个样好似好愁咁。

 

好多网民留言叫佢还钱。

 

睇嚟好多阿Sa Fans戥偶像唔抵。

 

昨日（8日）是母亲节，张致恒老婆雯雯都有分享大仔玩耍的影片。

 

更多新冠疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ