锺丽淇罕谈前度与梁荣忠仍有联络：佢系一个好人

2022-05-09 12:00

锺丽淇日前接受港台《旧日的足迹》访问，大谈母亲节愿望，并且忆述与丈夫相识的经过、妈妈如何令她释怀，以及当年与前度梁荣忠分手的纠结。

锺丽淇一直渴望听到大女儿叫她一声妈妈，就算说不清楚，只是一句「唔唔」，对她来说已是最好的礼物。「每次我叫佢叫我妈妈，佢都会偷笑。我知道佢明白，只系暂时讲唔到，我知道有一日，佢一定会讲出嚟。」大女儿 Isabella六个月大时确诊罕见基因病，曾被医生断定过不了两岁，但她已经庆祝了11岁的生日。「我从来冇倒数，只追求女儿每日都有少少进步，我已经觉得好开心！」锺丽淇说她与丈夫也不曾对此埋怨过，认为命运既定，已接受上天给他们安排的路。她还欣慰两姊妹感情好好：「我冇要求细女一定要照顾家姐，但佢会，太好嘞！佢唔会都冇问题，我唔会怪佢，唔会畀任何压力佢。」

一家四口充满正能量。

大女儿患罕有病，但两夫妇从未埋怨过，认为命运既定。

锺丽淇现为瑜伽导师，身材仍Fit到爆，与细女一齐玩得好开心。

两姊妹感情要好。

见大女儿每天进步，锺丽淇亦很感恩。

完成妈妈遗愿

锺丽淇谓与丈夫已有老夫老妻的感觉。回想当年，回复单身的她本来对爱情存有恐惧，又认为自己30岁已很老。朋友劝她不要把自己收埋，结果一年多后，她在兰桂坊见到现时的丈夫。「第一眼我以为佢比我年轻，我未必接受到。朋友抢佢嘅身份证嚟睇，佢真系大过我！我哋开始拍拖，佢好幽默、老实，我好信任佢。当时我妈妈已经病重，佢一直都想我结婚生仔，我做到......我结婚斟茶畀佢要倒入胃喉。喺教堂行婚礼，妈妈喺轮椅度观礼，系好温馨嘅回忆。」个几月之后锺妈妈与世长辞。

锺妈妈病重时，仍好想见到锺丽淇结婚生小朋友。

锺丽淇赞老公老实。

生日互相送祝福

锺丽淇鲜有提及与梁荣忠的八年情。她于2008年离开TVB，外间还以为因为她不想再见对方。她解释自己本来对工作充满热诚，但当时流行「飞纸仔」，对她是很大的挑战。她因为不明白剧情，觉得没趣所以才离开公司。对于前度梁荣忠，她表示：「完全冇hurt feeling，生日都会互相WhatsApp......每样嘢都系整定，事情发生之后，试过想补救，但其实唔可以勉强，我决定要向前行。我唔会怪佢，亦唔会觉得佢做错事，呢条系佢嘅路，但选择就系分开行......咁样我会觉得舒服啲，我唔知佢嘅感觉，我要行自己嘅路。再见亦是朋友，我当佢系朋友，有乜嘢需要我会尽帮，不过就从未试过。我唔会block咗佢，因为我觉得佢唔系坏人，佢系一个好人。」