Serrini被粉丝认出唔认自己 老窦忧阿女俾人话臭档

要数最亲民港星，相信都非发哥周润发莫属，事关无论行山、食饭、去街市、坐港铁，甚或唔小心行街经过见到，总之遇见发哥，只要问一句：「可唔可以同你影张相呀？」发哥几乎都是来者不拒，即使有街坊自爆3年影足5次，发哥皱住眉头问：「你又嚟？」但都是照影，从来唔耍大牌，难怪会成为好多人心目中的偶像。

 

发哥好亲民。

 

好多人搵佢集邮。

 

有路人影完又影，发哥都无所谓。

 

拥博士学位、刚夺Chill Club年度女歌手银奖的独立歌手Serrini（梁嘉茵），向来好有个性，同发哥相反，出街最怕被Fans认到，她昨日（10日）又遇上同一个问题，但今次有Ser爸在身边，见到阿女对粉丝的冷寞态度都忍不住开口教做人处事态度，入钱落阿女个袋。

 

Serrini在社交网写道：「今日同老豆出街，有个好有礼貌嘅女女问我系咪啊边个，我随口话『唔系呀』then walked。跟住同老豆行多一个block之后，佢突然同我好认真咁debrief—

Dad：人地问你系咪「Ser—」你就话唔系，下次如果你想否认，你都可以等人哋讲晒个名先，跟住你话「咩话？」一阵先话唔系会好啲。同埋你个样好易认，下次可以真系认，唔系久而久之就比（俾）人话臭档。下次可以大方啲话「hello」打个招呼，唔想影就可以话「唔系好方便」。

Me：🙏🏻🙏🏻
But still次次我都唔系好知点应对，所以大家可唔可以同我似样啲🙏🏻」

 

网民大赞Ser爸：「爸爸讲得好好，但人情世故呢样嘢都要慢慢学，总理都唔例外，加油！」Serrini未知是否受教，她自言都有试过改善：「我都试过『系罗，啲人话我同个女人好似样』but听落都系臭档。」

 

Serrini讲咗同爸爸行街嘅经历。

 

网民就话人情世故系要学嘅。

 

Serrini拥博士学位。

 

唔知抱住童年时嘅Serrini，系咪爸爸呢？

 

Serrini向来都唔锺意被Fans喺街认出。

 

更多新冠疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ