余德丞亮相ViuTV 接受唔到女朋友性感宁拣圈外人

现年32岁的余德丞（Dickson）早前约满离开TVB，回复自由身后搞作多多，除开设自家YouTube频道外，又与郑裕玲等拍档做商台《口水多过浪花》的客席主持，早前更首度亮相Now Sports讲波，日前更直踩ViuTV平台，接受《Viu1人物专访》访问，大玩「中佬二拣一」问答游戏。

 

余德丞接受《Viu1人物专访》访问。

 

玩「中佬二拣一」，妈咪同女朋友，Dickson极速拣咗妈咪。

 

Dickson抽中「妈咪 vs 女朋友」，他二话不说便拣妈咪，直言跟妈咪关系好密切，「由细到大不论系凑我去课外活动好，帮我温书好，教我补习做功课好，甚至乎出到嚟而家做嘢都系同妈咪有商有量，所以一定系拣妈咪。」Dickson透露早几年妈妈淋巴附近有一个良性瘤，入医院做割除手术时，可谓度日如年，「嗰时都非常之担心，望住佢入去做手术，等佢出嚟嘅时间系好漫长，可能只系过咗两个钟，但好似过咗两日一样。」不过，Dickson表示自己属内敛型，所以从来都不会跟妈妈讲「我爱你」，母亲节也不会有什么表示，认为不应用金钱衡量，真正关心家人更加重要。

 

Dickson同妈咪感情好好。

 

每样事情都会同妈咪有商有量。

 

Dickson妈咪年前发现淋巴附近有一个良性瘤，令囝囝劲担心。

 

Dickson觉得真正关心好重要，唔应该用金钱衡量。

 

提到感情事，曾与TVB视后蔡思贝传绯闻的Dickson，强调想拣与圈外人拍拖，自认个性保守和传统的他，觉得娱乐圈较为复杂，「我都唔希望我个女朋友会着得比较性感，或者佢要着到性感去影相、出席舞会啊……接受唔到，接受唔到！所以我会拣个圈外人，正常打扮就可以，但系如果成日Po啲相出嚟比较性感啲嘅，咁我就会唔高兴，所以我拣圈外人，当然希望佢系贤良淑德，又了解我。」
 

Dickson曾与蔡思贝传绯闻。

 

曾在活动上跪地献花。

 

不过，Dickson话接受唔到女朋友性感打扮，所以会拣圈外人，明显对圈中人落闸。

 

Dickson亦有入围「全球百大型男」选举。

 

更多新冠疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ