Lucy变「赋二代」狂煲张天赋MV 仲问靓唔靓仔伤透老窦心

2022-05-18 08:30

李璨琛女儿李元元（Lucy）除咗锺意电影《冰雪奇缘》（Frozen）的卡通人物外；早前更变成「赋二代」（粉丝昵称），不时在家中大唱张天赋（MC）的歌曲及狂煲MV。

Lucy妈昨天（17日）在社交网贴出两条囡囡在家中睇MC的短片，并写道：「仲要问个老窦觉得MC靓唔靓仔，你叫老窦情何以堪呢 #老母喺厕所听到忍唔住偷笑左一下 #当时老窦应该系心中淌泪甚至乎系淌血 #得啦全世界都知你觉得MC靓仔啦麻烦」。

Lucy好乖咁坐定定听MC唱歌。

突然回头问老窦：「你觉得MC靓唔靓仔啊？」

片段中Lucy边睇边跟爸爸李璨琛说：「系MC唱㗎喎，都系YouTube，你睇吓」李璨琛则谓：「系喎，你偶像喎！」而第二条Lucy 更语出惊人，搞笑问爸爸：「你觉得MC靓唔靓仔啊？」不少网民都纷纷留言表示想知爸爸的答案及表情，更有人笑言：「李老窦好快冇地位。」亦有网民提议：「MC下个月开演唱会，不如搵Lucy 做嘉宾。」