乘风破浪丨阿娇Fans嫌海报影得唔靓 郭采洁被指P到面目全非

内地竞赛真人骚《乘风破浪》（前名：乘风破浪的姐姐）近日公布第三季参赛女星的名单，同时分享了几辑海报，其中官方早前跟内地一本时装杂志合作，为参赛女星影的海报，网民都赞影得靓，个个都好有仙气。不过日前官方再上载由节目组影的海报，有网民质疑部份女星的照片P得太劲、有啲Pose奇怪，有啲直情唔睇名都唔知边个。

 

其中锺欣潼（阿娇）近日为节目减肥成功，被网民大赞V面回归靓返晒，点知官方海报就影到她鼻大又露孔，面型亦似乎P得唔好，有少少怪，Fans都纷纷留言投诉：「还我美女娇！」但好彩另一张官方宣传相影得靓好多。至于她的好姊妹蔡卓妍（阿Sa）个样就冇乜问题，不过个Pose就被批有啲老土，笑容亦都好僵硬，有网民问阿Sa系咪畀摄影师玩，叫佢摆个咁嘅Pose。

 

阿娇Fans嫌官方海报（右图）影得唔靓。

 

阿娇呢张靓好多。

 

阿Sa张海报（右图）笑容似乎有啲僵硬，网民觉得个Pose有啲娘。

 

另外台湾歌手郭采洁就疑似因为被官方过份P图，虽未至于变网红样，但都唔太认到系边个。网红样担当就落喺薛凯琪（Fiona）身上，原来她除了自己拍片拍照P图搞到被嘲变网红样，连影官方海报都被P到网红样咁，Fans都话锺意Fiona清纯样多啲。除此之外，那英张海报都引起网民讨论，有人话唔睇名仲以为系刘嘉玲去参赛呀！

 

大家认唔认得出右图系郭采洁？

 

其实近年郭采洁啲浓妆照都令Fans难以适应。

 

啲造型不时都被批炒车。

 

简简单单Fans反而大赞。

 

对比返薛凯琪以前个清纯样（左图），张海报（右图）似乎真系P得几劲。

 

薛凯琪近来最出名P图应该系呢张。

 

P得轻手啲咪几好……

 

有网民认错那英系刘嘉玲，大家觉得似唔似？

 

台湾女星阿雅都影到唔似真人。

 

杏儿呢张应该系少数正常嘅海报。

 

更多最新疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ