寻人记II丨投诉王安仔渴望有朋友 童年遭歧视产生报复心理

方东升主持的《寻人记II》昨晚（20日）播出第二集，方东升一行人到「投诉王」安仔家中探访，发现他并非人们口中所说的「傻仔」，生活上充满小智慧，例如家中杂物太多，会用长棍伸长开关电掣，怕找不到电视摇控器便索性挂在天花板上，怕遗失钱包就用小保险箱代替，创意十足。

 

安仔嘅生活小智慧，就系用长棍遥距开灯。

仲有发声铁盒钱包，既有天然防跌Alarm，亦可以当镜照。

摄制队更请来安仔四哥、好友梁牧师及数名元朗街坊大谈对安仔看法。四哥直指胞弟「一系好到死，一系衰到死」，力数安仔三大陋习：「例迟、唔认错、爱赖人」，但间中亦有窝心时：「我仔女又怕，太太又怕，我爸都话佢系鬼见愁。佢有时又几好，帮佢执完屋佢会畀张增咗值一千嘅八达通我；又会买嘢送畀小贩，话人哋对佢好。」梁牧师则认为安仔自小面对压力及歧视，自卑感重，难与人建立互信。

 

安仔四哥形容安仔「又可怜又可恨」。

安仔对爱锡佢嘅小贩其实好好，会买番嘢送畀人。

 

呢日安仔一嚟到，即刻对食物要求多多。

当年安仔凭「烧肉搭烧骨」成名，成「最强投诉王」。

安仔其实都有一位知己，佢叫梁牧师，只系大家已经好多年冇联络。

 

细说童年被欺负及歧视

现时独居的安仔渴望有朋友，他寻找摄制队的真正目的，正是寻找认同及倾诉对象。摄制队找来精神科专科麦医生与安仔长谈，经过3小时交流，安仔难掩激动，细诉被欺负及歧视的不快经历，并怪责自己当初哑忍太软弱，最终演变成「以牙还牙」。他说：「曾经有女学生行过，有学生憎我，在我后面趁机敲我个头，要班长记低梁安国个名。我嗰时软弱，唔识报警，只可以忍受。大个之后咪同铺头结怨，有老板话我『白痴仔』罚咗佢几千。有一间仲过分，佢话『傻仔安』，搞我性器官。好呀，我咪用胶水塞佢钥匙孔，有冤报冤，有仇报仇。」

对此麦医生劝安仔多忍让、少激动。医生指安仔的徵状与自闭症谱系障碍患者类似，又呼吁外界放下有色眼镜：「有机会听吓佢讲嘢、理解吓佢，起码唔系加多句傻仔，接受番安仔都系普通人，可能有少少精神科状况。」

 

安仔细诉童年被欺负经过。

佢话当时嘅佢好软弱。

唔识报警。

被人叫「傻仔安」好唔开心。

安仔同麦医生一倾就三个几钟，期间主导发言权嘅安仔，细诉被欺负以及被歧视嘅不快经历。

 

安仔首度公开道歉

安仔事事投诉，树敌不少，这次为了向外界释出善意，当主持方东升问安仔会否考虑认错，过往从不认错的安仔马上对镜头说：「如果我有咩对人唔住，请你哋宽恕我。」方东升说：「原来安仔要寻嘅唔系我哋，佢只系寻求认同，让人了解他的内心世界。」据知摄制队昨日亦有致电安仔，出名爱投诉的安仔不但冇投诉，更笑言满意，美中不足是摄制队把他拍老了。

 

安仔都有跳脱一面。

安仔真正想寻求嘅，只系认同。

 

更多最新疫情资讯，请到以下专页浏览 按此

立即下载 | 全新《星岛头条》APP : https://bit.ly/3yLrgYZ