陈卓贤无惧MIRROR爱情魔咒派定心丸与女友Amy感情稳定

2022-05-24 16:30

陈卓贤(Ian) 今日单拖到金钟出席代言活动，对于MIRROR和ERROR像被魔咒笼罩一样，多位成员先后与女友分手，Ian称与女友Amy Lo（卢慧敏）感情稳定，没有担心，他说：「我哋还好，多谢大家关心，呢啲唔算系魔咒，重要系睇缘份，两个人之间有好多因素存在同影响，我唔太担心。」

Ian透露有关心刚宣布分手的队友Frankie （陈瑞辉），但不会刻意安慰对方，直言会当众人「树窿」，有需要时便会借耳仔听别人心事。Ian爆Anson Kong (江𤒹生）最喜欢找他吐心声，问是否很多烦恼？Ian说：「唔系，但佢好得意，似小朋友一样，每件事都讲点样好、点做好！但佢处事唔系唔成熟，纯粹系搵朋友分享一下。」

6月9日是Ian的29岁生日，粉丝提早为他搞生日应援，日前到沙滩执垃圾做义工，Ian觉得好有义意，直言自己都好想去，但又怕会出现混乱场面。问到怎样庆祝生日？他说：「由细到大生日我都唔会同朋友去庆祝，生日唔系庆祝我出生，而系答谢妈妈生我嘅辛苦，所以我会锡一下妈妈，当日都会留给佢。」

Ian话都有关心刚宣布分手嘅队友Frankie。

Ian话唔惊MIRROR爱情魔咒，透露同Amy感情稳定。

唔觉公司偏心姜涛AL

而Ian早前推出新歌《GOT U》至今也极少宣传，反而粉丝替他做的宣传功夫更多。问可觉得公司将资源全数投放在姜涛、Anson Lo（卢瀚霆）及Edan（吕爵安）身上？Ian说：「我明白每个粉丝都会紧张自己嘅偶像，但MIRROR 系团队，每个人都有自己专注嘅事去做，公司有唔同分配，大家着紧我系明白，（唔觉得公司偏心？）唔觉得，专心做好自己要做嘅事已经足够。」

对于TVB与港台首次合办的乐坛颁奖礼，MIRROR 未能入围最佳进步奖，引起粉丝的质疑。Ian 称没有留意，他说：「可能太睇得起我哋，觉得之前我哋进步多咗，现在进步空间少咗，我哋心目中就算有冇进步奖，都会不停逼自己进步，外在嘅奖项唔会影响到我哋用心做事。」