独家丨85岁余慕莲搞乱新旧历生日大病后看淡生死：最好瞓瞓吓去咗

2022-05-27 19:00

余慕莲（鱼毛姐）前年底验出患罕有病症血液炎，经诊断后证实为肺纤维化，需入ICU插喉、打强心针以及用呼吸机帮助呼吸，情况一度危殆，幸好吉人天相，经半年治疗后终可出院回家休养。

「大姐明」林建明昨日（26日）在Facebook上载与鱼毛姐的合照，表示正为她庆祝85岁生日，写道：「余慕莲小姐的身份证明文件上的出生日期是今天5月26日，约会在她家楼下的茶记吃个生日午餐，之后鱼毛就去打麻雀！衷心祝福余小姐身体健康！生活愉快！」圈中人锺慧冰、彭家丽、宝佩如等都有留言祝贺。

鱼毛姐康复情况理想，相中见她双颊饱满，精神奕奕，还与大姐明扮锡锡，十分精灵。不过，翻看维基百科，鱼毛姐的生日日期应该是在7月4日，为何身份证会摆了这个「大乌龙」？《头条娱乐》今日致电鱼毛姐了解，她说：「我喺1937年喺广州出世，嗰时日本仔打到嚟，嚟到香港攞身份证，咁我旧历系5月26日，我哋唔会识分咩新历旧历，系后来人哋帮我查万年历，咪搵番新历系7月4日罗。」她透露连薛家燕都有致电送上祝福，令她喜出望外。

林建明昨日为鱼毛姐庆祝身份证上嘅生日。

虽然7月4日先系正日，但两个人食个下午茶都好开心。

扮咀嘴合照，好精灵。

鱼毛姐话冇乜生日愿望，仲百无禁忌话最好瞓瞓吓去。

百无禁忌：希望瞓瞓吓去咗

问到生日愿望，她想了一会语带点感慨谓：「无谂，我都死过翻生，依家赚咗啦！系希望死时唔使好似（当年）做手术咁，要卧牀半年，无嘢食、背脊、箩柚又烂晒，希望瞓瞓吓去咗。生唔生日有乜所谓，最重要行得食得屙得！」

鱼毛姐头脑清晰，但访问期间不时有几声咳嗽，她透露是血液炎的后遗症，没有根治的方法，她说：「一咳就眼泪、鼻水一齐流出嚟。我依家每半年仲要食一次标靶药，大约三万几蚊一次。（经济可以负担？）之前有人作嘢，话我捐晒啲钱出去，又冇屋住，都唔系真。我行得唔系咁好，唔可以一个人落街，早上都由工人陪我用架（辅助行架）落街行吓。」

而另一样后遗症是无记性，幸鱼毛姐有好多好朋友，间中会相约老友记一齐打麻雀过日辰；今个星期又会为邓达智庆祝生日，生活过得好充实。