独家丨锺欣潼公开5天必瘦排毒减肥法为《浪姐3》激减30磅

2022-05-31 07:00

41岁锺欣潼（阿娇）最近减肥成功，靓爆参加内地综艺真人骚《乘风破浪的姐姐3》，恶斗来自中港台及韩国的29位「姐姐」，当中包括前「情敌」Jessica（韩团少女时代的前成员郑秀妍）。《头条日报》取得阿娇独家排舞相，重现「V煞」面的她，大晒23寸蛇腰，状态大勇，最难得阿娇有好嘢唔收埋，向本报公开必瘦嘅「5天排湿毒营养汤减肥法」。采访：方骞平

身穿露脐运动装排舞嘅阿娇，终于见返条蛇腰。

《浪姐3》阵容强劲，30位「姐姐」分别有Twins的蔡卓妍（阿Sa）和阿娇，香港代表仲有胡杏儿、薛凯琪；加埋内地及台湾代表黄奕、吴谨言、许茹芸、「甜心教主」王心淩及郭采洁等。强敌当前，回复纤瘦嘅阿娇接受本报访问时承认为节目而扚起心肝减肥：「《浪姐3》系一个好好嘅节目，有好多好好嘅姐姐，都想用最好嘅状态参加呢个综艺，将最好嘅一面畀粉丝同观众睇。」

阿娇、阿Sa及薛凯琪都系香港代表。

入行以嚟最fit

据知，今年初开始阿娇经已秘密练兵，除做运动外，仲搵埋营养师设计每日餐单。直至近3个月，阿娇为咗《浪姐3》每日排舞几个钟，运动量好大，攰到冇乜胃口，想瞓多过想食，意外地瘦多一个圈，𠵱家身形薄如纸板。阿娇自爆：「单系呢3个月体重再下跌咗10几磅，腰围再缩咗寸半。」对于现时体态，阿娇表示满意，但实际磅数就唔多讲嘞。从阿娇提供嘅相片估计佢体重唔够100磅，腰围约23寸，较21年前初出道时更瘦，对比起一年前因荷尔蒙失调暴肥至130磅，瘦咗超过30磅。

除营养餐，阿娇亦会做运动配合。

2005年，24岁嘅阿娇着三点式非常之Fit。

2016年，阿娇去马尔代夫潜水，35岁嘅佢keep得唔错。

2019年6月，阿娇穿松身裙现身横店活动时被误会怀孕。

去年4月，阿娇参演内地真人骚《怦然心动20岁》时胀咗好多。

戒甜戒酒戒生果
阿娇多年嚟如气球般时肥时瘦，她承认单靠节食减肥往往会半途而废。𠵱家阿娇转用「5天排湿毒高营养汤水减肥法」。连续5日，每日都要饮一种唔同嘅肉 (鸡、海鲜或猪）煲成嘅汤，做法冇限制。另外，每日最少要食3个蛋白，早、午两餐一定要食一小碗米饭或广东米粉，唔够饱可加肉（不能甜及炸）和绿叶菜(油麦菜、羽衣甘蓝及菠菜等) ，菜要愈绿愈好；食晚饭前喝营养汤，多菜少肉，一定要戒甜及酒。所有瓜类、笋类、豆制品都不能吃。如果餐与餐之间肚饿，可以食卤肉、卤蛋白、生黄瓜及生蕃茄(代替水果)。阿娇说：「𠵱家靠每日排练、运动同清淡饮食去keep fit，跟同事一齐食饭嘅时候，佢地会食正常餐，我就会食番薯同菜，又唔觉得系辛苦，只要大家锺意咁就值得。」