独家丨陈柏宇懂得凡事正向思维 疫情未有令心情「坠落」
2022-06-01 07:00 
陈柏宇（Jason）最近推出新歌《坠落》，曲风带点动漫感觉，更首度跟本地Rapper Novel Fergus合作。讲到人生中少有情绪「坠落」一刻，因他很懂得凡事向好方向想，连疫情亦未有情绪太受影响。去年底举行的《Fight For》演唱会获高度评价，Jason承认下苦功令唱功有进步，但不会自满坚持学习。
采访：杜杜 摄影：沈健程
新歌有Rap部份， Jason坦承从没想过亲自演绎，因有自知之名，「唔应该因为歌手第一次Rap，好唔好都唔紧要，呢个系唔应该有分数攞，尤其是我呢个年资，唔应该做咪交畀人做罗！仲好𠻹！同本地Rapper合作，去扩濶我对本地音乐嘅认识，win win。」
唱功获赞不自满
生活中，Jason好少因一件事而心情「 坠落」，就算这段疫境下，他都能积极正面去想，「既然每个人都要经历，冇得避咪拆掂佢罗！所以我冇因疫情令情绪好差，当然唔系好开心，但系都有啲开心嘢发生，譬如我学咗唱歌，学多咗投资，同个女嘅关系，可能比佢返学更加多时间见面，所以系你点样去睇件事，可以向好嘅方向去睇。」
去年12月举行两场《Fight For》演唱会好评如潮，获赞的Jason坦承开心，最值得开心是可以坚持演唱会主题去编排歌曲，将大家熟识的歌留待安哥部份才唱，「个表现系冇得再好，再好只有我再唱得好啲。」当日连演唱会嘉宾黎明，都有赞Jason唱功了得，对演唱一直有下苦功的他，就算演唱会完成后，仍keep住跟老师学习，因他到今时今日仍会怯场，「紧张一定会影响唱歌发挥，但系以前拎住100蚊，最终攞咗70蚊出嚟畀大家睇，但𠵱家个袋有500蚊，可以拎350蚊，都系七成出嚟，但呢个七成嘅价值多咗好多倍。」他最希望一直保持到水准，「如果社会要求歌手唱歌好系120分，最好系200分，我希望长时间可以喺160分水平以上。」
更多新冠疫情资讯，请到以下专页浏览
立即下载 | 全新《星岛头条》APP https://bit.ly/3yLrgYZ
最新回应