曾比特内地爆红感不知所措 盼与拍拖6年女友尽快结婚

曾比特（Mike）在《声生不息》节目中演唱80年代歌曲《初恋》在内地爆红，日前接受港台《旧日的足迹》访问时直言感到不知所措，Mike说：「我唔觉得红定唔红，冇太大概念。最想戴住顶帽去旺角买格仔饼食。我只系一个普通人。如果要用四个字嚟形容，就系『不知所措』嘅感觉。」

 

Mike一向热爱唱歌，中三那年获得校内歌唱比赛冠军，但没有因此让他增添自信。他坦言从小到大自觉「唔靓仔，而且太肥」，对自己的外型没有信心。当年参加《全民造星ll》也考虑了很久。「我参加呢个节目唔系因为姜涛效应，而系佢（节目）畀到我一份热血嘅感觉。报名时我坐喺公司电脑前沉思咗一个钟，填表后再谂多一个钟，先决定『算啦 send啦』。」他感谢妈妈一直鼓励他放心去做，希望由长沙回港后能送一张自己的唱片给妈妈，亦盼望可以去红馆开演唱会。

 

Mike嘅「爆炸头」已成标记。

 

天生「鬈毛」系遗传自妈妈。

 

Mike话当年参加《造星III》唔系因为姜涛效应，而系被节目嘅热血打动。

 

Mike早前返家乡汕尾探望亲友，可谓衣锦还乡。

 

「爆炸头」是Mike的标记，原来是遗传自曾妈妈，全家人只有妈妈和他是天生「鬈毛」。对此，他觉得麻烦多于喜欢，故自儿时直至中学都把头发「铲青」，长大了才留长发。他笑言自己要一段时间才能接受这个发型，想不到现在它竟成为了标志，希望它可以保持到60岁！

 

提到Mike跟林子祥合唱《单车》忆起亡父。「爸爸喺我10岁时走咗。我5、6岁先由汕尾到香港同家人团聚，期间4年爸爸好忙，大家见面唔多。收到消息嘅时候，我上紧堂，学校职员带我去医院，我唔知发生乜嘢事，喺的士上我唔明佢讲乜嘢『冇事冇事』，去到医院就见到妈妈同姐姐喊到死去活来，原来爸爸已经走咗......我最难忘嘅就系我喺汕尾读咗一个学期嘅一年班，喺香港再重读幼稚园。当时我最希望爸爸接我放学，因为佢会一手抱起我骑膊马，好高，好开心，跟住我地会去行吓商场......」

 

曾爸爸在Mike 10岁时离世。

 

与林子祥合唱《单车》忆起亡父。

 

Mike现年28岁，现时身处长沙，坦言好挂念女朋友。「我哋喺教唱歌嘅时候认识，而家感情愈嚟愈好，梗系要畀安全感佢。沟通好重要，为咗畀定心丸佢，我买咗部琴系酒店练习，基本上我大部份时间都喺酒店房间。我哋拍拖差唔多六年，我希望尽快结婚，但谂起而家系（事业）起步阶段，必须考虑将来嘅生活，（现在）要更加努力。我喜欢佢因为佢唱歌好好听，无论生活上、舞台上佢都系一个好charm嘅人，成日都有一个好吸引人嘅笑容。我鼓励佢参加比赛，但系佢好怕丑。」
 

Mike与女友拍拖6年，派定心丸，话希望尽快结婚。

 

更多新冠疫情资讯，请到以下专页浏览按此

立即下载｜全新《星岛头条》APP：https://bit.ly/3yLrgYZ