陈冠希低调返港撑好友MC仁艺术展 外貌回春网民赞靓仔返晒

陈冠希（Edison）一家三口近年定居美国，早前直播被爱女Alaia大爆最近有电影拍，未知是否因有幕前工作，近月Edison都执返正个样，睇返佢最近IG啲相，又真系瘦咗，而且外貌靓仔返唔少。不过睇明星Po相，就晒角度有时又加滤镜，好难作准嘅。嗱！最近Edison低调返港就被野生捕获，网民都大赞Edison外貌真系回春。

陈冠希一家三口好幸福，连带佢都有啲幸福肥。

 

陈冠希早前不时被影到苍老样。

 

更被指发福不少。

 

陈冠希近日低调返港。

 

日前有网民于新开幕的艺术画廊见到Edison，音乐人兼艺术家MC仁（陈广仁）及其他艺术家有作品于该画廊展出，相信Edison撑好友之馀，本身亦是设计师的他，到场或是搵灵感。网民见Edison外形不像早前满头白发兼有啲中年发福，都大赞男神回来了，靓仔返晒呀！

 

应该系去撑好友MC仁。

 

瘦咗又冇晒白头发，个样已经后生好多，其实陈冠希先41岁咋！

 

更多最新疫情资讯，请到以下专页浏览 按此  

立即下载 | 全新《星岛头条》APP : https://bit.ly/3yLrgYZ