RM撰长文强调BTS冇解散 JK开Live再澄清坐住唱跳慰Fans

2022-06-16 18:30

世界级男团防弹少年团（BTS）刚推出新专辑《Proof》，13日庆祝出道9周年，本周二（14日）举行周年聚餐直播，其间公告组合将暂休，专注个人发展，消息震惊全球。其实熟知KPOP文化都好清楚，因为服兵役关系，男团必定经过组合暂休单飞再重组阶段，只是BTS选择直播中讲出嚟。

BTS在周年聚餐直播中宣布团队将暂休，成员将SOLO。

由于消息并非官方公告，有传媒报道BTS解散后集体炒车。昨晚队长RM在官方社交平台撰长文解释BTS并不是解散，「在宣布休团消息后，睇咗好多报道的标题，有好多刺激性的关键词，如『解散』、『停止活动』等等。我不是不知道会发生这种情况，也不是没有准备好发生这种情况。」

RM续指：「今次直播特别为跟BTS同行九年的Fans录制，看过影片都知道，我们真正想传递的是如新主打歌《Yet To Come》一样，这不是结束。」他又提到自己落泪的场面在网上疯传，令他有感自己是否太意气用事，想要讲真心话的勇气总会造成不必要的误会和愤怒。

RM的喊住讲被疯狂CAP图。

RM撰长文澄清BTS冇解散。

另外，成员柾国（JK）昨晚（15日）亦开直播再三澄清BTS不会解散，更连讲数次，「睇完聚餐直播瞓咗一阵，一起身见到好多BTS嘅新闻，话BTS会解散同停止所有活动，可能有人冇睇直播误会，亦担心ARMY，所以我想喺度澄清呢一点，BTS仍有好多嘢要做，只系会进行个人活动，绝对唔系解散，冇睇到嘅人有误会，所以再讲一次，我哋唔系解散，BTS仍有好多工作要做，你哋完全唔使担心，BTS is forever，ARMY is Forever。」另外佢又重申防弹团综《Run BTS!》会继续拍摄，留意返，佢全程笑住讲。特别一提，J-Hope及RM已公开BTS的友情纹身，同是纹在小腿后，JK爆咗JIN亦已纹，更纹在锁骨位，Fans都期待睇JIN嘅处男纹身。

JK开直播再澄清BTS唔系解散。

强调BTS系永远嘅。

J-HOPE的友情纹身。

RM的友情纹身。

安慰完Fans，JK又开始开小型演唱会，但背景换咗系嘅佢新居，背后仲有洗手盘，佢连环唱出多首歌曲，《My You》、《12:30》及《That That》等，唱后者更坐住郁手郁脚，非常Hyper，佢仲话希望PSY睇唔到。最搞笑系JK唱唱吓歌去咗洗碗，仲话可以洗住碗嚟唱歌，当时睇直播人数超过700万人。