独家丨林宝玉瞓身拍撞到头痛：珍惜每个机会被何华超舔面舔嘴边施暴

2022-06-18 07:00

「亚视一姐」薛影仪经理人林宝玉（Connie）被网民大赞索过阿仪好多，一直有做幕前的她有份参与新片《被消失的凶案》，虽然戏份唔多，但就相当抢戏。32岁嘅Connie扮演清纯学生妹，惨遭无恶不作嘅何华超撞晕后施暴，施暴场口仲相当大胆。首次在幕前「激战」，Connie坚定表示，「只要全情投入就会零包袱。」采访：方骞平摄影：沈健程

片中林宝玉遭何华超撼头埋墙，撞晕后惨被霸王硬上弓，零反应的Connie摊喺床垫上，任由何华超伸脷舔匀全面再舔嘴边，然后嚟个湿吻，最后加入连串粗暴肢体动作。Connie睇返首映先发现原来呢场戏，拍出嚟嘅效果系咁大胆。

因为Connie有样又够搏，愈嚟愈多幕前Job。

片中何华超兴奋伸脷对住Connie，拍前要调节心情。

戏中冇晒反应嘅Connie惨被何华超蹂躏。

赞超哥系君子

处女下海面对施暴戏，Connie坦言初时都有啲担心，所以拍前都要调节自己，要抛开经理人包袱，全情去投入嗰个环境。她大赞超哥系好有礼貌嘅君子，所以释除晒疑虑：「拍摄前，超哥先同我讲点样做、会有乜动作，每个步骤都同我沟通好晒，为咗做到更加猥琐，仲临时要求加插伸脷舔面动作，因为拍得太过投入，加上跟拍档有互信，我都唔记得晒当时拍咗啲乜。哈！当时撞到个头仲好痛，我真系有啲迷迷哋。」

Connie大赞超哥系好有礼貌嘅君子，合作愉快。

Connie（左）抛开经理人包袱，投入拍戏。

电影《我的笋盘男友》中Connie演情妇，「中门大开」好进取。

坚守三点不露

问到拍埋身「动作戏」可会尴尬？Connie好Pro咁话：「镜头前拍到我全祼啫，其实我有着肉色内裤及用Nu Bra 打底，超哥亦有嘢保护住前面！我哋仲隔住一块棉垫郁动，基本上大家冇乜感觉，咪系做紧戏罗。」她认为，演戏难免有亲热戏，合情合理绝对可以接受，唔会有避忌，只会坚守三点不露。被奸戏拍咗两日，但只系出得短短两分钟，Connie一啲都唔介意，仲话愿意为艺术而牺牲：「我真心锺意演戏，会珍惜每个机会，就算演丑角、情妇、花瓶、甚至喺《金宵大厦2》蒙眼被打嘅『大茄』，然后只得一千蚊演员费都冇乜所谓，每次有得发挥我都想试，因为每个都系机会，所以每次会搏到尽，希望畀观众睇到我对演戏嘅诚意，而唔系花瓶。」