独家丨谷德昭睇中林家谦够Odd想合作 最恨《爆谷一周》变长寿直播节目
2022-06-20 07:00 
导演谷德昭因疫情关系，由电影回归电视，继主持《纳米无明火》后再有《爆谷一周》，节目已播到第二季，谷导除了希望长做长有变成长寿节目外，原来仲有由最初构思到现在都未能做到地方，好希望早日达成目标。讲到几时回归电影圈，谷导坦承社会变化太快太急，仲需要时间好好模索，不过作为制作人讲到新一辈艺人中最想合作，他首选林家谦。采访：杜杜 摄影：沈健程 服装：Wagamamaplayground
谷导跟《纳火无明火》团队合作愉快，他曾在节目解释欣赏团队心地好，这个亦成为搞《爆谷一周》的精神，「访问时睇你立心良唔良，净系要眼球要声音，呢样嘢系我同埋我团队都唔想做，心地好系一个方向，做啲咩环节唔系度有趣，而系帮唔帮到人，观众睇会唔会有共鸣，同埋都可以有啲好嘅影响，譬如《纳米》喺社交平台都引起啲讨论，有个涟漪作用帮到人，呢样嘢我想继续喺呢个骚度出现。」
期待访问国际巨星
作为主持的谷导，亦唔似一般清谈节目主持哗众取宠，会追问嘉宾八卦事，他选择做个好心地的主持，「我都有被访时，𠵱家我去访问人时用被访者心理去谂，要对佢有一定了解。」而且谷导觉得每个被访者都有成功之处值得借镜，「就算你觉得佢好符碌，都系成功地令你觉得佢好符碌，佢一定有值得分享嘅地方。」他又承认特别看重年青观众，所以问题也特别为他们而设，「譬如我会问COLLAR佢哋每一个都系自卑，想话畀所有年青人听，唔好成日觉得自己先自卑，其实每个年青人都觉得自己不足，觉得前面好迷茫，原来好多辉煌嘅人内心都系一样，可能比起家长讲，嚟得容易入耳。」
谷导坦承最初构思《爆谷》，受在加拿大读书时睇的节目启发，而节目每季13集，现在播到19集，第二季都播了大半，原来谷导有件事一直未有在节目做到，「最初倾有冇机会做Live show，或者做一个好贴近，譬如晏昼拍夜晚播，可以将时段拉近啲，我一路向呢个目标进发。」谷导坦承也希望变长寿节目，而且想版图拓展，「𠵱家啲外国电影冇咁锺意经香港宣传进入内地，但如果《Top Gun》上，Tom Cruise嚟我哋节目几过瘾，我可以见到偶像朴赞郁导演，我几Q多嘢想问佢，或者张艺谋导演嚟香港，就想上呢个节目，我最希望做到咁样，好虚荣嘅嘢。」
有望帮ViuTV拍剧
疫情较稳定电影业开始复苏，谷导却仲未有计划开电影，因有令他好困扰的问题，「第一系疫情完咗跟住点呢？成个巿场跟住落嚟会点？同我哋以前做开嘅巿场系好唔同，究竟拍戏、剧定网大？我都仲喺度观察紧，点样先可以叫到观众入戏院去睇戏？另一样好困扰系以往我拍套戏，由我生到个idea到上映，我有信心系半年之内会发生，但𠵱家拍一套戏大型少少，成个过程可能系一年至两年，成个idea摊到冻晒。」谷导认为现在的速食文化，拍喜剧遇到的情况更严重，令他也考虑是否应改为拍剧集，「拍喜剧啲嘢想当造啲，但成日写起咗，隔咗几个礼拜就觉得好唔新鲜，定系谂个idea，直情生个剧出嚟，等佢可以长时间啲做，宁愿喺人物下多啲功夫多过喺应景度。」所以他不排除跟ViuTV有另一种形式的合作。
讲到作为制作人，新一辈艺人中除了已有很多机会的MIRROR外，谷导还有谁很想合作呢？谷导想了一阵就想到林家谦，「我觉得佢几得意，佢好内向，但系好聪明，同埋佢timing系odd，我最锺意佢唔似任何人，佢系original，搵人最紧要嗰个人系original同埋无可替代，冇咗佢搵第二个人差啲。」虽然谷导只跟家谦在郑中基演唱会后台碰面合照，但已想到大概可给家谦演较贴近观众角色，「可能家谦系营营役役一个返写字楼嘅后生仔，但系原来佢又另有抱负，已经好有得写。」
星岛新闻集团庆回归25周年专题网站，请即浏览
立即下载 | 全新《星岛头条》APP https://bit.ly/3yLrgYZ
最新回应