喂喂喂丨俊仔踩板曾被标签「不良少年」努力追梦终成精英运动员

2022-06-21 09:00

J2由昨日起一口气推出15个全新节目，创意总监郑诗君（C君）更亲手写了开台歌《I Just Wanna 借啲意》及收台歌《听晚见唔见到你》，未睇歌词单睇歌名，已经感受到那份渴望同希冀，甚有拍拖feel。当中《喂喂喂你话你系边个边个》就访问不同领域的素人，寻找他们励志热血的追梦故事。

首集的受访者，是曾代表香港队赢过全国赛头三名的陆俊彦（俊仔）。在香港踩滑板可以成为职业，相信很多人会觉得匪夷所思；现年34岁的俊仔少时同好多屋邨仔一样，无所事事。中学跟同学仔去沙田街头学踩滑板，人生变得不一样，他说︰「滑板成就咗坐喺呢度嘅俊仔，着衫、讲嘢、做嘅嘢都系因为滑板，至变到而家嘅俊仔。冇滑板？我唔敢想像而家系点样，废柴……应该。」

一般人都觉得踩板没出色，拍摄当日俊仔示范踩板，已多次引来管理员干涉，俊仔话︰「啲人对住架单车行过嚟冇咁惊，踩住板佢就惊。永远觉得你。会撞到佢，标签踩板系『不良少年』，以前啲人觉得夜晚唔返屋企就系坏。」

俊仔话到外国交流见多识广，增进滑板技术。

当年在沙田大会堂的空地，晚上闲闲地都有几十人玩板。

一个成功动作的背后，是无数的失败累积而成。

有成绩支持令俊仔获不少赞助，成为职业滑板手。

10岁Woody传承板术望冲奥

俊仔没有被睇死，踩足20年赢过不少奖项，更获香港体院邀请做精英运动员；但要保持资格，就要靠不断攞奖赢奖金，不达标便要出局。近年他开始教小朋友，传承滑板技术︰「呢几年因为奥运关系，奥运冠军都系十零岁，变相好多人觉得形像好健康，好正面，好多小朋友玩得好开心，的而且确好多好细个小朋友加入踩滑板。」10岁的Woody跟俊仔学了8个月滑板，只用了1、2个月时间，就做到Kickflip（脚尖翻板）动作。俊仔问到Woody的目标，Woody想都不想就话︰「想好似你咁罗，香港第一。」

Woody父母差不多每趟都会到场，Woody妈妈话起先囝囝玩板跌倒，都会好紧张跑过去问「喂！你有冇事呀？」，而家已经滑了牙︰「你唔断手断脚，咁你继续吖。香港小朋友太娇气，跌下冇坏，磨鍊系对小朋友最好嘅教育。」

《喂喂喂》监制邓英奇话滑板成为奥运项目之后，赞成的人忽然多了，想带出「唔通呢个地方，系要人攞咗奖先会有人认同?」