独家丨冯允谦形容开处男Show系「奇迹」 节衣缩食做音乐

「唱作王子」冯允谦（Jay）等咗10年终于愿望成真，将于7月2至5日在九展举行《冯允谦Have a JAY Time 2022 》处男演唱会，Jay形容演唱会充满爱：「开卖个半钟就抢晒啲飞，反应较想像中好。」他同爸爸都形容呢个系天降「奇迹」。采访：方骞平 摄影：沈健程 化妆：Evelyn Ho 发型：JamieLeeHair 造型：Matthew Chan 服装：Loewe 场地：海洋公园万豪酒店

冯允谦会将赚返嚟嘅钱都用喺音乐上。

冯允谦最爱做音乐。

34岁冯允谦的处男个唱将会挑战四面台，为咗照顾四面观众较考验体力，仲事先张扬会请嚟新晋歌手做嘉宾，之前他与MC(张天赋)合唱《反对无效》英文版斗飙高音，问到系咪再接再厉？他卖个关子话要度吓时间，但肯定唔系MIRROR：「佢哋都忙演唱会彩排啦，我好锺意佢哋，尤其对唱歌嘅热情，个个都好有特色，希望同到佢哋合作，等我专心做好演唱会后，安心去捧佢哋场。」

Jay下月九展开处男个唱，一票难求。

MC、黄天翱、冯允谦参与《CHILL CLUB Keep Going》演唱会。

Jay喺张敬轩个唱中送上自己个唱门票，而他下个目标就系想进军红馆。

喺郑欣宜演唱会中，Jay突然单膝下跪送上惊喜。

去年8月Jay和陈卓贤曾合作举行《我是现场音乐会》。

唱歌就系人生
出道10年，冯允谦曾经身处谷底，更闪过放弃唱歌的念头：「虽然爸爸冇认真叫我转行，但都叫过我好好考虑一吓前路，嗰时我节衣缩食坚持做音乐，家人见我咁辛苦会担心。其实每年我嘅心愿都系开骚，直至4年前加入新公司仲系质疑紧自己嘅能力，唔敢同老板提出要求，但求做多啲好歌就算。」身在香港嘅爸爸会见证他的第一次，女友喺加拿大返新工就走唔开：「爸爸话谂唔到个仔，唱到31岁先畀人留意到！」Jay强调唱歌就是他的人生，冇一样工作会令他咁快乐。

Jay留港发展获家人支持。

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ