冯允谦曾质疑自己啲歌唔够好感激低潮期获AGA鼓励

2022-07-04 19:00

冯允谦（Jay）昨晚（3日）在九展举行第二场演唱会，龚慈恩囡囡林恺铃（Ashley）、「寰亚孻女」黄淑蔓（Feanna）、「软骨BEN」赵祥诚等捧场。昨晚Jay邀请江海迦（AGA）担任表演嘉宾，介绍她出场时，Jay说：「弹琴非常之好听，佢写每一首歌、每一个作品，我都会畀钱去买嚟听，因为佢好值得欣赏，去年我哋仲喺一个音乐活动合作过。」然后Jay亲自落台迎接AGA，手拖手合唱AGA的人气作品《3AM》，全场欢呼并大合唱。

Jay昨晚在九展举行第二场演唱会。

之后，Jay对AGA说：「我哋曾经一齐去上海参加马拉松，当时系我事业低潮期，写咗好多歌，喺嗰程飞机我畀咗AGA听，其中一首系『Sorry for the last time』（《一步一悔过》歌词），当时只有我另一半听过，AGA系第二个人听呢首歌。」AGA受宠若惊，说：「噢，我好开心！最记得嗰次去跑马拉松，起跑前Jay话自己无练习，点知一起步就快到唔见咗。」观众爆笑，她续说：「嗰程飞机本来好攰但无瞓觉，因为Jay畀咗好多歌我听。印象最深刻系佢问我：『系咪我啲歌唔够好？』但我觉得啲歌好好听，虽然系当时唯一嘅听众，但觉得将来会变更强大。」

Jay感激AGA当年的鼓励，他说：「当时以为无人要呢首歌，但你话锺意，畀咗好多鼓励我，所以我同自己讲，有朝一日我一定要将呢首歌派台。」结果《一步一悔过》成为2020年度流行榜冠军歌。之后Jay退场，AGA独唱《Superman》，全场气氛高涨。

Jay感激AGA 喺佢低潮时鼓励。

Jay曾怀疑自己嘅歌唔够好。

Jay多谢妈咪专登喺加拿大飞返嚟支持佢开骚。

昨晚Jay妈咪和亲友台下捧场，Jay说：「多谢妈咪专登喺加拿大飞返嚟，佢要隔离七日，就系为咗支持我，非常感激佢喺我低潮时，一句都无叫我放弃，无论我点都支持我，Love You Mom。」妈咪以心心手势回应。然后Jay爆料，笑指爸爸前晚完骚后嗌攰，昨晚留在家休息煲剧。至于两位亲兄弟，Jay说：「哥哥喺加拿大读书考试嚟唔到，但细佬就去咗旅行，拍拖都唔嚟呀！」他扮嬲，突然在观众席发现孖生细佬Tim的肖像纸牌，原来Fans特别制作𠱁Jay开心，Jay笑说：「我今次唔嬲佢，但如果将来我有机会去更大嘅舞台，佢唔嚟我实鍊死佢！」台下观众起哄大叫「红馆」。之后Jay唱出为纪念已故祖母而写的新歌《给缺席的人唱首歌》，完骚后Fans大叫Encore不散场，Jay换了T恤与乐队再次出场唱《我好想你》后，第二场演唱会圆满结束。