独家丨何广沛赞陈晓华湿身Look好索 有CP感获钦点再续情缘

何广沛及陈晓华在TVB《回归光影颂》单元《曙光》中演夫妻，所以有唔少温馨场口，其中一场讲两人拍住拖喺雨中送货，陈晓华一只手绕实推住手推车嘅何广沛，另一只手为他举伞，因为雨势太大，两人湿晒身。Cut机后何广沛大赞陈晓华嘅出水芙蓉look好索：「佢系靓嘅，几湿都改变唔到个妆容！」采访：方骞平  摄影：沈健程

陈晓华及何广沛为单元《曙光》拍外景，两人落住雨拍拖送货。

剧中二人有好多温馨场口。

由于何广沛及陈晓华喺剧集《异搜店》中有CP感，监制林志华钦点两人「再续情缘」，孭重飞由《曙光》贯穿演到15集嘅《回归》，即《回归》主要演员陈炜及郭晋安嘅年轻版，林志华更大赞两人演技有料到。

监制林志华大赞两人演出有默契，感觉好有爱。

何广沛及陈晓华曾拍摄《异搜店》。

包保鲜纸打底怕冻亲

早前，何广沛及陈晓华喺西贡拍外景，book晒水车营造大雨效果，身穿白恤衫配深蓝色外套嘅陈晓华，埋位前做好准备，上身包晒保鲜纸打底，她解释唔系怕湿身透视会变得性感，而系怕湿晒身再吹风会冻亲。 

外景队book晒水车营造大雨效果。

陈晓华、何广沛在《曙光》中由年轻夫妻变为父母。

由于take咗好几次，陈晓华湿晒身，头发滴晒水，但她依然笑晒口，拍得好投入。何广沛乘机食她「豆腐」：「呢个靓女系边个？我未见过…佢献咗第一次湿身畀我！」记者追问他觉得陈晓华身材如何？何广沛即变返一本正经：「我投入角色冇研究过，只focus佢眼神及头发，见到佢妆容不变。」陈晓华听完就劲开心话：「听住先啦！」她又多谢何广沛教晓佢好多嘢，又为她分析剧本，何广沛更睇好陈晓华年底夺「飞跃进步女艺人」：「我等你喺台上多谢我！」

何广沛带笑投诉负责举伞嘅陈晓华唔，搞到他湿咗一半身。

陈晓华强调演技受肯定比身材获赞赏更加重要。

星岛新闻集团庆回归25周年专题网站，请即浏览 

立即下载 | 全新《星岛头条》APP :  https://bit.ly/3yLrgYZ