肥仔晒录音室合照自觉肥咗少少搵193教P图变咗女人

2022-07-11 18:00

阿Dee有份主演嘅《阖家辣》噚日喺观塘举行首映，ERROR其馀三位成员都有出席首映撑兄弟。有传ERROR将于今年11月开骚，193表示要留返公司宣布：「我哋都系打工仔，要等公司安排，不过我哋好希望今年可以开到。自从开完麦花臣，前年上年都好想再开。」而Dee哥就话：「可惜计划永远赶唔上变化，都冇办法答实任何事。」

193、肥仔及保锜去撑阿Dee场。

开骚答唔实，录歌就答得实嘞，肥仔噚日上载喺录音室嘅合照，相中有经理人济哥、193同埋做好多幕后工作嘅音乐人何秉舜，被经理人揽住嘅肥仔依旧面又肥颈又粗，佢留言:「Error录新歌🔥🔥估下咩曲风？😏睇见张相肥咗少少，叫3哥教我P图，图2系成品😂😂」经过193简易教学后，肥仔上载新手P图一张，相中嘅肥仔块面、嘴及鼻都细咗，但条颈一样咁粗，最重要对眼，大咗之馀眼线又深咗，变咗一个块面有肉同短头发嘅女人。圈中人周家怡同麻利都赞佢对眼化得几好，咁样助长等同推肥仔去死，希望肥仔之后执相唔好咁重手啦。