Tyson Yoshi 28岁生日「黐线佬」张敬轩惊喜送六位数礼物

2022-07-15 22:30

Tyson Yoshi 28岁生日，「黐线佬」张敬轩惊喜送六位数字礼物：「本身想送条毛俾你。」

人气独立歌手Tyson Yoshi 向来极爱收藏一个美国知名银饰品牌，甚至会定期拎出来清洁保养，珍而重之。原来张敬轩亦是这个品牌的发烧友，最近轩仔与Tyson Yoshi 甚为老友，除邀请对方任演唱会嘉宾，孖住半夜开live倾足5个钟，早前更借出百年大宅给Tyson Yoshi 拍MV。适逢Tyson Yoshi 本周日(17日)28岁生日，轩仔大手笔惊喜送上价值六位数字的厚礼，认真阔绰。

Tyson Yoshi 在IG限时动态晒出礼物，片中所见礼物铺满整个梳化，当中除了有背囊、大大小小的皮革用品，还有银器饰物，全都是这个品牌，保守估计价值六位数字，相当夸张，寿星仔兴奋写道：「黐线佬，多谢大佬送嘅礼物。」其中一个袋，Tyson Yoshi 更即时孭出街用。

轩仔曾邀Tyson Yoshi 做个唱嘉宾。

Tyson Yoshi 收轩仔六位数礼物，忍唔住叫佢「黐线佬」。

当Tyson Yoshi 收到礼物后，轩仔亦有于社交网表示这些都是他「断舍离」的物品，现在将爱转赠，并多谢Tyson Yoshi收留它们，他写道：「人生嚟到断舍离嘅阶段，希望可以将一啲曾经带过快乐比自己嘅物品送俾喜欢佢哋嘅人，从而将嗰份快乐再传递落去。喺自己细个啲嘅时候，有啲物品有时都系令自己再努力啲嘅动力，而家即使将佢哋收埋咗嘅时候，拎返出嚟望住佢哋依然会记得嗰个时候嘅自己。我好开心可以见到自己当时拥有呢个物件嗰阵时嘅嗰个笑容重新出现喺另外一个人嘅面上，嗰份满足感系比满足更满足。好多谢你收留佢哋 @tysonyoshi」

其后，轩仔不忘发挥搞笑本色，表示原本想送条毛畀寿星仔，他写道：「我本身都想送条毛畀你，但系开show 嗰阵时剃晒，依家都未到可以收割嘅时候。#脚毛」。